#周遊坪洲:【勁Chill打卡位!必食霸氣原條鰻魚炒飯!】- 新寶馬茶餐廳小廚

坪洲 打卡

周末想去下離島又唔一定去南丫島、長洲既,估唔到坪洲都搵到好野食,今次呢間坪洲 #新寶馬茶餐廳 由裝修到食品都別具心思,由門口開始已經係個靚靚打卡位,幾個月前先將門面改頭換面,油上sharp醒既天藍色,擺放小擺設同綠色植物,無論係室內定戶外氛圍都勁正!食物方面,必食霸氣原條鰻魚炒飯、炸子雞,唔想咁heavy,食碗自選湯飯/米線都得,tea time去食,最岩就係叫返個雪糕菠蘿包或者咸牛肉蛋菠蘿包,歎返杯奶茶啦!

坪洲 打卡

▲由碼頭行入永安街大約3分鐘,就會到達新寶馬茶餐廳,水藍色既外牆、綠色既植物同埋小擺設,令呢度好有慵懶氛圍。店主都好歡迎遊客黎呢度食野打卡!

坪洲 打卡

▲由出面影入去效果一樣咁好!

坪洲 打卡

▲坐係出面飲杯奶茶,睇下書帶埋狗狗咁又係個輕鬆既下午!呢度既奶茶/咖啡用既杯係預先整熱,冬天飲都唔怕凍。

坪洲 打卡

▲呢個小編覺得係必食既霸氣原條鰻魚櫻花蝦炒飯 ($88)平日食鰻魚炒飯都係切碎拌入炒飯,加埋櫻花蝦完全帶出佢既鮮甜!

坪洲 打卡

▲山咁高既星洲炒米 ($48)真心抵食!米粉本身爽口彈身,加上配料非常豐富,炒得好夠鑊氣!

坪洲 打卡

▲炸子雞 ($128半隻/$238全隻,最好預先預訂,夜市配二人套餐由$158起)招牌菜黎!同去飲果d唔同,隻雞本身油脂均勻,製作過程不斷澆油上雞身,做到外皮脆內裡嫩滑。

坪洲 打卡

▲自選鮮魚湯泡飯 ($48)湯底係用鮮魚每日煲製,配料自選可以自己配搭,仲可以配飯或上海麵!

坪洲 打卡

▲咸牛肉蛋菠蘿包,菠蘿包烘到外酥內軟,鹹牛肉蛋咸香十足!

坪洲 打卡

▲仲可以自來海鮮加工!

坪洲 打卡

▲菠蘿包雪糕(細:$28 /大:$30),菠蘿包雪糕可選擇雲尼拿、芒果同朱古力味道選擇,迷你版菠蘿包雪糕BB有一大球雪糕,而正常size就有2球雪糕!

新寶馬茶餐廳小廚

地址:坪洲永安街29號地舖
電話:29838218
營業時間:11:00 – 20:00

圖片來源/文字來源:香港人遊香港