深水埗餅店:【堅持手製!懷舊餅店爆餡花生糯米糍!】- 生隆餅家

香港地堅持手製懷舊餅店真係唔多,深水埗其實就有一間廣為受街坊歡迎!而且價錢仲好親民!未行到鋪頭,已經聞到陣陣糕點香,糕點夠傳統、夠新鮮!佢地既糯米糍有花生紅豆口味,兩款口味都煙韌到不得了!糯米糍細細粒,花生餡係粗粒花生加入椰絲,餡料比例算係幾多,多到爆出黎!餅店仲因過去多月社會運動而表態支持香港人,令唔少人因此而「懲罰」佢地!

▲花生糯米糍($10元/4粒) 花生糯米糍唔算好大粒,糯米皮軟糯煙韌,花生餡多到爆出黎!

▲最近大家都抗疫在家,買d好味甜品係屋佐慢慢歎~

▲新鮮出爐古法紅薑皮蛋酥 ($8)

▲新鮮出爐古法紅薑皮蛋酥 ($8)入口唔係好甜, 外層鬆化,外型比其他餅店份量大

▲大大件砵仔糕、白糖糕 及芝麻糕 ($14/3件 ),砵仔糕用呢個切件形成食真係大滿足!大大粒紅豆加入砵仔糕!

▲呢間餅店外面架子有唔少傳統糕點,例如光酥餅、缽仔糕、散裝月餅、罐裝花生等。

生隆餅家

地址:深水埗北河街68號地下
電話:2360 1359

文字來源:香港人.遊香港/圖片來源:@yu.eat、@miss_cukiee、@staciechan、@joe1219