【預告預告!2019年迪士尼有咩搞作!?】

身邊總有一個一年要去好多次迪士尼既人,對於好多人黎講,呢度絕對係一個奇妙既旅程!2019年佢地有新野玩,全年活動驚喜不斷,無論係平日定節慶都有唔同既活動同節目等大家。等小編整理下年迪士尼既動向,話你知邊d係必玩item 啦!

迪士尼 2019必玩1-「蟻俠與黃蜂女:擊戰特攻!」

▲相信呢個蟻俠與黃蜂女主題互動遊樂設施為小朋友大朋友都創造精彩既旅程!

迪士尼 2019必玩2-全新迪士尼城堡

登場日期:2019年暑假
好多人都知道因迪士尼城堡裝修而冇煙花放大感失色,迪士尼城堡會係2019年暑假重新開放,有冇煙花放就未知,不過就會新增魔法化妝廳比小朋友妏身成灰姑娘、白雪公主、睡公主、貝兒、愛莎或茉莉公主,一嚐扮公主心願!

▲全新的「魔法化妝廳」環境典雅迷人,如置身童話故事一樣

迪士尼 2019必玩3-「米奇90派對盛事」

登場日期:2018年11月至2019年2月
冇煙花睇唔需要失望,美國小鎮大街舉行的 “We Love Mickey!”大街投影盛演 (生日特別版) 亦為慶祝米奇90周年度身推出限定元素,都幾靚架!

▲香港迪士尼酒店賓客更可以港幣1,099元額外選購主題慶祝房間佈置,令整個住宿體驗更添奇妙!

迪士尼 2019必玩4-迪士尼巨星嘉年華

登場日期:2019年3月至8月
由春天玩到夏天,復活節加入「猜猜誰‧尋尋蛋」活動,更多迪士尼朋友將化身成趣緻迪士尼花蛋,藏身度假區內各處等你發現!而夏季,就會有升級版「Pixar水花大街派對」比大家消消暑。

▲賓客更可率先與即將上映的《反斗奇兵4》的角色見面,締造獨一無二的回憶。

香港迪士尼樂園 

地點:香港迪士尼樂園
票價:標準票 $619,小童票 $458,長者票 $100
查詢:3550 3388

文字來源:香港人.遊香港/圖片來源:香港迪士尼樂園