主頁 博客群 【大澳虎山超靚景!眺望港珠澳大橋+南中國海!】

【大澳虎山超靚景!眺望港珠澳大橋+南中國海!】

[駐場博客: 小牛牛快樂行山郊遊相集by Chan Keung]今次介紹由石門甲落漕溪,穿梭石澗,充滿原始風味,風景美不勝收,出澗後經法門古道到達昂坪,再坐巴士去大澳上虎山,從4條中華白海豚後面,行隱徑落海邊,尋找將軍石,相當吃力。

响東涌嘆完個靚早餐之後,坐大嶼山巴士34號入石門甲(留意班次比較疏落),廿多分鐘就到達石門甲總站,落車正式起步, 沿馬路直上,再轉入山徑,呢條路叫做地塘仔郊遊徑,又名法門古道,行咗無耐,靠右手面有絲帶引路,横降落小叢林進入漕溪石澗,入口已滿樹藤枯枝,未落到底已聽到流水聲音,卒之到達石澗,有大潭小潭,仲有好多巨石,當日水質清澈,不過小編知道上游仲有多間寺廟,住宅,農地…所以經驗話俾小編知,最好唔好接觸倒呢啲水,某程度上有一定嘅染污呢! 今日水流唔係太急,水位唔高,可以輕鬆上石面一級一級跳上,除咗有幾個大潭需要在山澗兩旁山徑繞過之外,其餘大部份都可從大石上面走過,可能呢條石澗比較小人行,所以絲帶標記都比較小,不過漕溪無支流,所以一直攀上就係,同埋比較短,只有1公里多啲就行完,出澗後繼續接返法門古道上, 左右兩旁有好多間大大小小嘅寺廟,好快就到達東山法門,其實係一道玄關,呢度同時係昂坪奇趣徑,又係彌勒山入口,繼續一直行,就到達昂坪廣場,經過大佛,前面巴士站,坐21號巴士去大澳,時間尚早,首先試吓當地街頭美食先,食飽之後,經過大澳街市,沿石仔埗街一直行,到達大澳文物洒店,本來打算沿洒店後面山徑去虎山参觀,點知有告示牌~不准進入。唯有調頭走返落石仔埗街,再去香港少林武術文化中心,靠左邊有條山徑行上去虎山觀景台。呢條山徑附近有幾個墓穴,條路巳鋪上大石磚,好易行,好快就到達,首先見到係四條中華白海豚大型雕塑,顏色漂亮,維肖維妙,的確係呢度嘅靚靚地標, 四條海豚後面有一條小隱徑,沿小徑走,初段唔困難,行到近海岸有絲帶引路,可以下降落海邊,不過呢段斜坡泥路好鬆散,石頭又鬆脫,需要拉住左右樹藤緩緩下降,落到海邊係一個比較斜嘅石灘,跟據地圖顯示,可以從呢度綑邊到將軍石,距離不遠,可是此段路比較崎嶇,危險,小編决定放棄,雖然有啲遺憾,但係可以欣賞倒美麗海邊,都值得一遊。好辛苦爬返上嚟,經過四條海豚返去虎山觀景台,呢度條路左右兩邊欄杆,塗上紅色好鮮艷,沿山脊而建,遠睇好似一條小長城,氣勢磅礡,好壯觀,不愧為打卡熱點。行到尾段小涼亭,仲有一望遠鏡,可以 窺探一下港珠澳大橋添。响呢度欣賞日落真係一流。打完卡後可以沿路折返,或者繼續向前面小山徑走,不過呢段路比較斜,碎石鬆泥,要慢慢跣住落,旁邊有繩可以拉住落,呢段路風景開掦,可以欣賞象山和獅山,左面仲有港珠澳大橋,配合海灣,不失為一個大景,好似一幅油畫。跣咗十五分鐘左右落到地面,靠右邊就是寶珠潭,不時有大小魚隻跳上水面,睇完魚仔跳之後穿過村莊返回大澳巴士總站完成旅程。

▲由石門甲起步經地塘仔郊遊徑直上ㄧ小段之後右轉入澗

▲漕溪内有多塊巨石可供攀爬

▲有多個大小水潭,風景優美

▲如果唔想濕脚,可以從左右山徑跨過

▲攀爬石澗有一定危險性,前住必須量力而為

▲石澗旁小徑佈满樹藤

▲顛茄,有毒

▲蔥蓮,又名玉簾

▲漕溪没有支流,ㄧ直住上方向行就可達上游出澗,整條石澗不太長,好快就行完

▲出澗後經法門古道到達昂坪廣埸

▲乘搭巴士到達大澳,石仔埗街往虎山出發

▲經香港少林寺武術文化中心旁邊山徑上虎山

▲到達虎山觀景台地標,四條中華白海豚雕塑

▲從中華白海豚雕塑後面有ㄧ條隱徑,可穿過小樹林到達海邊石灘

▲海邊岩石路徑比較傾斜和崎嶇,每ㄧ小段都要小心前進

▲巧遇美麗夕陽,令人醉了

▲本來打算綑邊尋找將軍石,可惜發現此路段比較危險,決定放棄

▲返回虎山觀景台漫步_小長城

▲虎山觀景台是欣賞夕陽美景好去處

▲可以從另一山徑落山

▲因為遠眺外型有點像長城,所以又被稱為_小長城_

▲此山徑比崎嶇,散沙碎石多,前住必須小心,風景開掦,可以飽覽象山,獅山和寶珠潭

路線: 石門甲>漕溪>法門古道>東山法門>昂坪廣埸 共5公里……
大澳>虎山觀景台>寳珠潭大澳 共3公里
交通: 東涌乘坐34號巴士到達石門甲,昂坪乘坐21號巴士入大澳

注意事項:
⚠️如果沒有行澗經驗可全程改行法門古道直接抵達昂坪
⚠️探索將軍石可由大澳文物酒店綑邊到達(注意有一定危險性)
⚠️愛護郊野清潔人人有責,自己垃圾自己帶走

文字/圖片來源 :小牛牛快樂行山郊遊相集by Chan Keung

熱門文章

Staycation:【香港半島酒店!人均$1364起!豪華客房+早餐+晚餐+下午茶!】

香港半島酒店推出Staycation優惠套票,只需人均$1364起,即$2728一晚,即可入住豪華客房,而且包足三餐,包括享用大堂茶座半島早餐、雙人晚餐體驗及半島經典雙人下午茶。

香港好去處:【北角文青一日遊!路過藝術節!20組公共藝術裝置+愛犬美術館+電車露天市集】

由香港藝術中心所舉辦的「路過生活節」今年在8月30日正式開幕,而6大獲選提案藝術作品將分佈於春秧街至北角公眾碼頭沿途一帶。

香港好去處:【中秋限定燈籠街!傳統手工燈籠打卡超靚 感受中秋過節氣氛 傳統燈籠充滿價值】- 大橋街市燈籠街

中秋節就快到啦,想應節除了食月餅和賞月外,仲可以去元朗大橋街市內的「燈籠街」買傳統手工燈籠及打卡影靚相!燈籠街掛著過千個燈籠,十分壯觀。

香港好去處:【為香港運動員致敬!玩遊戲送獨家文件夾!劍擊體驗+珍貴裝備+3D打卡位!】

今年香港於奧運得到驕人成績,用行動證明「香港運動員唔係垃圾!」。為香港運動員致敬,特別於奧海城設立「志氣凌雲—香港體育紀行展」展覽。

都市熱話:【寶礦力水特跑步祭2021召集!必玩個人及隊際賽+障礙賽+瑜伽工作坊!選手包型爆登場!】

寶礦力水特跑步祭2021終於翻嚟啦!今年同以往一樣同樣有障礙賽,沿途有多個吹氣裝置,考大家眼明手快。另外,更設有個人5公里黃昏賽和隊際3公里挑戰賽。

中秋2021:【⼭下菓⼦推卡通月餅禮盒!唐⽼鴨+⼩熊維尼+Monchhichi+蠟筆⼩新!】

今年中秋節⼭下菓⼦推出多個以卡通為主題的禮盒裝菓⼦酥和⿈⾦酥及⽉餅,除了設計可愛,禮盒還配上 不同⼝味及配搭不同獨家設計限定精品,款款實用可愛,可以話粉絲必入。
Close Bitnami banner
Bitnami