紅磡街坊必撐蘭州牛肉麵紅磡！即叫即高質牛肉拉麵！
小店位於紅磡主打牛肉拉麵老闆，由細鋪搬到大鋪，好受居民歡迎！老闆係東北人，每條麵都係老闆親自手工製，麵質彈牙，牛肉方面，老闆每日用五小時清燉，不加味精，湯底仲加入藥材，好多客人食麵之餘仲會將所有湯飲哂，特別推介牛腩牛筋麵！所以大部份人都係外賣。蘭州牛肉拉麵即叫即拉，堂食食客仲可以從開放式廚房欣賞到師傅純熟手勢。拉麵有寬麵、粗麵同細麵選擇，食落都爽口彈牙，迎合唔同口味既朋友。師傅亦選用肉質鮮嫩牛肉，配上清香上湯，呢碗牛肉拉麵仲要係街坊價錢，都算抵食！
▲蕃茄牛肉拉麵 （$38）：蕃茄加入濃濃牛肉湯底，口味一流！
▲牛腩牛筋幼麵 （$32）：師傅來自中國東北，拉拉麵拉左八年，拉麵即叫即拉，麵質彈牙，而且咬落有口感
▲牛筋夠軟亦帶煙軔，牛腩腍而入味，而且湯底清甜，飲多左亦唔口渴
▲簡單一碗熱騰騰牛肉麵令街坊好滿足！
▲牛展麵($35)牛展一大片有咬口，麵條粗幼有致，見證著每碗麵都係老闆誠意之作，非從街外從批發商拿貨的一般貨式。
蘭州牛肉拉麵
地址：紅磡明安街5號地舖
電話：6233 7739
時間：11:00 – 23:00
文字來源：香港人.遊香港／圖片來源：chloehahaha、互聯網