主頁 好地方 【真係香港黎?!行山登陸綠蛋島!】

【真係香港黎?!行山登陸綠蛋島!】

[駐場博客 @小牛牛快樂行山郊遊相集by Chan Keung]上個月去咗龍蝦灣行山,本來打算去綠蛋島,刀片脊,但係突然間落大雨,結果去唔成,好唔忿氣。難得放假遇上好天氣,今次唔可以再錯過呢!
日日都三十幾度,去行山真係好考人類意志,不過咁好天氣,無理由屈響屋企呢! 首先預備好每人2公升水,食飽飽之後,坐103號小巴出發,到咗大坳門勝記士多小食店落車,進入龍蝦灣路,全程石屎馬路,行大約一公里就到達清水灣騎術學校,呢度不時都可以近距離睇倒D馬匹,好靚架! 睇完馬匹之後沿後面小山徑落到一個石灘,呢度好多垃圾,成個石灘都係, 惨不忍倒。攀上岩石旁邊,再靠右手面有條山徑,頭段好斜,有殘繩可借力拉上,之後山徑平緩,不過可能較小人行,所以山徑長满樹藤雜草, 棘手棘腳比較花氣力,所以記得要著長褲和手套, 同埋兩邊長滿曬蜘蛛網,最好搵支行山杖或者樹枝開路,如果唔係會成面食哂好多蜘蛛網。 一直沿山腰行,風景開揚水質清澈, 行咗大約1.5小時,卒之到達綠蛋島,外形真係好似一隻煎熟嘅雞蛋,好可愛。拍完卡後繼續上路,好快就到達刀片脊, 由於山脊好狹窄, 形狀好似一張刀片,所以被人稱為刀片脊,小編走到脊上,原來最窄部份都有四呎闊,而兩邊都係懸涯, 睇落去都幾驚險吓架! 繼續沿山徑走,好快就到達一個峽谷, 呢度係一條石澗,名為大雞坑,不過今日冇乜水,唔太跣腳,大雞坑由好多巨石形成,可以攀爬上到大嶺峒,小編横渡過呢度就接上山徑繼續上路,再走大約一公里,卒之走到終點~大坳門,近出口附近有大量大斑豹紋尺蛾飛來飛去,好似蝶變感様。大坳門呢度有多個燒烤爐,又有放紙鳶埸,每逢假期都係一家大細好去處。休息一陣之後再沿清水灣道返回起步處搭小巴完結旅程。需時約5小時。

▲清水灣騎術學校經過小徑落到石灘起步

▲首先攀上岩石ㄧ直走

▲可以綑ㄧ段岩石再轉入山徑

▲34度高温石上走(注意:小編不建議高温行山,如必要,請帶備足夠食水!!)

▲沿途風景秀麗

▲沿途風景秀麗

▲山徑有許多樹藤雜草-每行一步都特別艱辛

▲向綠蛋島出發

▲遠眺綠蛋島

▲如果要登錄綠蛋島-必須留意潮汐時間

▲到達刀片脊

▲刀片脊兩邊是懸崖行走相當驚險

▲遠晀大雞坑

▲跨越大峽谷

▲由大雞坑可直攀上大嶺峒

▲沿途上落坡幅不算太大

▲好不容易走到終點大坳門

▲大坳門每逢假日都有大批遊客前來燒烤郊遊

綠蛋島刀片脊

路線: 清水灣道>龍蝦灣路>清水灣騎術學校>平托坑山>綠蛋島>刀片脊>大嶺峒>大雞坑>饑死雞>大坳門 全程約6.5公里

注意:
⚠大部份路線需要穿越山林,比較崎嶇,建議由經驗人仕帶領
⚠如登陸綠蛋島,留意潮汐時間
⚠路徑明顯,有絲帶引領,樹藤雜草茂密,建議穿長袖衫,長褲
⚠愛護山野清潔人人有責,自己垃圾自己帶走

交通: 官塘乘坐103小巴去達勝記士多小食店落車起步
路線參考:https://bit.ly/2J4lz1L

  文字/圖片來源 :小牛牛快樂行山郊遊相集by Chan Keung

熱門文章

都市熱話:【香港迪士尼推畢業公仔!Duffy達菲熊+米奇米妮+TsumTsum!仲可以印上自己名字!】

香港迪士尼推出全新以畢業主題的周邊禮品,當中包括經典米奇、米妮畢業造型的毛公仔,及米奇造型畢業帽

都市熱話:【Hello Kitty推新品!浪漫粉紫薰衣草系列!戶外儲物車+購物袋】

MiHK聯乘Hello Kitty推出第2彈以浪漫紫色薰衣草為主題的新品,包括:戶外儲物車、摺疊式購物袋及便利餐袋。戶外儲物車全都以粉紫色調,車蓋更配以可愛 Hello Kitty卡通造型和薰衣草作配襯。

香港好去處:【Mr. Men Little Miss登陸銅鑼灣!50周年大型展覽!多個打卡位+珍貴手稿+展品由倫敦直送!】

Mr. Men Little Miss在銅鑼灣舉行全亞洲首個50周年慶祝活動,主辦方從倫敦的Mini Museum中精挑多件展品空運到港展出,包括歷年繪本故事書和多份Adam Hargreaves先生的手稿,當中畫家亦特地為展覽而設計手稿。

香港好去處:【《咒術迴戰》x 1011 SIPTEA 茶飲店登陸尖沙咀!7款人氣角色限定特飲+Q版盲盒玻璃杯!】

新派茶飲店1011 SIPTEA於尖沙咀設期間限定店,並以最近人氣漫畫《咒術迴戰》作主題,推出7款人氣角色限定特飲及限定精品。

快閃優惠:【1折開搶!$39食澳洲M4/5和牛鐵板燒!今日中午12時限搶!另有買一送一優惠!】

今次Mr.Arita 有田和牛專門店就推出快閃優惠,以1折推出原價為$498的「有田大満足焼肉五品の 盛定番【一人前】」,即$39就食到。

北角好去處:【極隱世糖果色系Café!多個打卡位 彩虹隧道/彩虹化妝間/花花牆】- 野草Weeds Gelato & Coffee

位於北角有一間由情侶經營,極為隱世的Café ——野草,一身糖果色系的裝潢,足以令人少女心爆發!店內外設有多個打卡位,其中最受人歡迎的打卡位為彩虹隧道,無論任何角度,都可以影出活潑的影像。
Close Bitnami banner
Bitnami