【日本 | 長野。日本童謠的舞台!飯山油菜花公園】

日本有唔少出名嘅油菜花田,位於長野縣嘅飯山菜之花公園就係其中之一。沿住千曲川河道嘅瑞穗地區一帶,放眼都係油菜花田,一望無際嘅鮮黃花海,遠處仲有連綿不斷嘅雪山映襯,景致相當迷人。

▲飯山站係北陸新幹線嘅新站,亦係千曲川流經北信州時會路過嘅一個山中小鎮,充滿令日本人都感到古色古香嘅風景。

▲其中又以座落喺千曲川河邊嘅「油菜花公園」最為出名,佢嘅面積約有13公頃咁寬,種植嘅油菜花約有800萬株,花季約為4月下旬至5月中旬,花海一望無際,景色一絕!

▲日本童謠《朧月夜》入面曾經提到嘅油菜花田就係呢度!其中一句「油菜田裡夕陽薄暮 遠望山頭晚霞深濃」,更加係叫大家唔好錯過呢度黃昏嘅美景呀!

▲每逢5月3日至5日,公園內更有「飯山油菜花祭」,屆時會推出好多好食好玩嘅活動,例如露天茶會、音樂祭、麻糬大會等等;附近嘅公路休息站「花之驛站千曲川」,一邊坐低嘆咖啡,一邊眺望油菜花田添!

油菜花公園

地址:長野県飯山市瑞穂495-1

文字來源:香港人.歎世界/圖片來源:互聯網