fbpx

【粉嶺坪洋文藝小旅行!】

坪輋壁畫村+必睇古老樟樹+雲泉仙館食齋+士多啤梨園!

小編今日介紹呢條路線,唔駛上山下海,零運動量都handle到,而且路線唔長!去壁畫村扮下文藝少女、睇下古老樟樹堅毅生命力,再去食齋清清腸胃,食飽之後活動下筋骨摘士多啤梨,又有得食又有得拎,正呀!

第一站:藝遊坪輋壁畫村!繽紛壁畫打卡點!🚶🏻‍

原來香港都有壁畫村,雖然唔係好似台中彩虹眷村咁,但尚算藝術處處!大家一定要同可愛既龍貓、迷你兵團壁畫公仔影相勁打卡!!!

▲坪輋壁畫村既無數可愛壁畫,源自於幾年前推出「新界東北發展計劃」,坪輋村民當時面臨收田、拆村的命運,促成打鼓嶺坪輋保衞家園聯盟,村民希望以壁畫村引起香港市民既注意。

▲一入村映入眼簾既係呢個五彩心心既留言雪櫃,大家對壁畫村有咩意見,都可以係雪櫃儲存!

▲牆上美麗既壁畫,都表現了村民平日生活、對現實既幻想,將幻想空間同現實連接。

坪輋壁畫村

地址: 坪洲坪洋村坪原路157號
前往首站坪輋壁畫村之交通
交通:去粉嶺火車站C出口,搭52k小巴往坪輋方向,車程25分鐘到,係九記士多落。沿士多旁邊條小路一直行,見到另一間士多叫卓榮記,再向左轉就會見到

第二站:必睇長山古寺+港版參天神木!🚶🏻‍

睇完壁畫村之後,大家可以由禾徑山村既長山古寺,然後風水風水林參觀極其壯觀既老樟樹,相信老樟樹已經屹立至今有400年,見證唔少寒暑。

▲長山古寺位於禾徑山廟徑,原稱「長生庵」,約於一七八九年興建。古色古香,幾有特色。

▲被山友同村民譽為禾徑山既神木,樹齡達400年。一列樟樹樹幹非常粗壯,樹冠橫亙,默默地守護前方小村落。

▲近年好多遊人都冇好好珍惜呢排古老樟樹,見到有d橫椏被折斷了,香港人會特登去台灣阿里山睇參天古神木,屬於自己既樹木又有冇好好珍惜呢?

長山古寺

地址: 坪輋禾徑山路

第三站:雲泉仙館tvb拍攝地🚶🏻‍

係咪覺得呢度熟口熟面呢?沿坪原路出路口轉右坪輋路,就到達雲泉仙館,呢個古色古香既庭園就係某某古裝劇既御花園,夏天仲有荷花睇架!大家可以選擇係呢度感受下禪味或享用齋菜。

▲如果唔係係大台見過n年前既古裝劇,一定唔覺得呢度係香港黎!

▲雲泉仙館齋菜以煎炸最出名,岩哂唔想食肉又鐘意食香口野既人!

雲泉仙館

地點:新界北區打鼓嶺坪洋村坪輋路
雲泉素食中心
電話號碼:26742194/26743933
營業時間:星期一至日 11:00 – 15:30

第四站:士多啤梨園🚶🏻‍

食飽個肚,緊係要活動下筋骨啦!去旁邊士多啤梨園採摘士多啤梨,輕鬆又過半Day!

▲士多啤梨園可以walk-in,免收場費,按磅計價,士多啤梨成熟期為每年約12月底至4月,大家留意返喇!

阿方本地士多啤梨自摘園

地點:粉嶺打鼓嶺坪輋路雲泉仙館後門(太歲殿)停車場則
開放時間:7am-7pm
電話:5608 2643 / 5425 8122

粉嶺坪洋文藝小旅行建議路線

坪輋壁畫村→長山古寺→古老樟樹→雲泉仙館食齋→阿方本地士多啤梨自摘園

Close Bitnami banner
Bitnami