【台灣 | 台東。綠洲中的圖書館 📖 】

只要有美麗嘅環境,即使係校園都可以成為旅遊嘅景點!呢間台東嘅圖書館唔只設計獨特,而且被一片藍天白雲同綠油油嘅草地所包圍,靚到成幅水彩畫咁,難怪吸引咁多當地人同遊客特登過去打卡參觀啦!

▲台東大學圖書館曾經被國際圖書館協會選為此生必去嘅圖書館,近年更加喺國際網站列名全球八座特色圖書館之一(另外一座入選嘅台灣圖書館為台中公共資訊圖書館)

▲圖書館由空中俯望的話,就好似一座金字塔,遠睇就好似一本打開嘅書,甚至有人話佢似金字塔同外星基地!

▲圖書館兩邊都有樓梯可以爬上斜坡,總共係五層樓。上到樓頂可以鳥瞰太平洋、都蘭山景緻,就算遠眺綠島都無問題,館長謝明哲仲話:「天氣好甚至看得到蘭嶼。」

▲圖書館旁邊就係靜心湖,白天寧靜幽雅,夜晚個陣燈光由大小不一嘅窗框四射而出,又係另一番美境。

▲呢間親子書房對大學圖書館亦係非常少見,內部桌椅設計具有童趣,所以深受親子喜愛,吸引唔少家庭趁放假嘅時候同小朋友一齊過嚟!

台東大學

地址: 台東市西康路二段369號

文字來源:香港人.歎世界/圖片來源:互聯網

相關文章:
【台灣|高雄。 I’m kimchi!激推韓式起司河辣炒雞排!】
【台灣|台東。台東天地人手創料理】