【台灣 | 台東。來個台式藝術之旅!】

台灣唔想淨係飲飲食食?不如試下做一日文青,嚟個台式藝術之旅啦!呢間毓繡美術館位於南投草屯鎮,位置雖然比較偏遠,不過真係好特別!除咗俾大量綠色植物包圍之外,佢仲係隨著山型而建,設計以水泥同玻璃為主,乾淨簡潔,睇藝術品之餘,仲可以影到唔少靚相㗎!

▲「毓繡美術館」以低調、精緻、俐落做其美學基調,採用清水混凝土、木構同玻璃帷幕等質材,具體實踐美嘅意念,出自知名建築師廖偉立之手,更曾經榮獲2016年臺灣建築首獎。

▲館內共有三幢建築,包括美術館主館、餐廳、精品店、住宿等唔同機能嘅空間。場內嘅藝術品更加係來自世界各地,令人目不暇給。

▲就好似呢個出自韓國藝術家之手嘅鋼絲線作品,簡直係令人驚艷!

▲呢度仲有一間空間感十足嘅Cafe,朝早陽光灑入,晚上夜燈襯托,各有不同景緻,係呢度慢慢嘆返杯茶食番個Tea,真係非常寫意呀!

毓繡美術館

地址: 南投縣草屯鎮平林里平學路平忠巷28號
電話: 049-2572999
營業時間: 週二10:00-15:00 週三至週日 10:00-17:00 週一休館

文字來源:香港人.歎世界/圖片來源:毓繡美術館、互聯網

相關文章:
【台灣|高雄。 I’m kimchi!激推韓式起司河辣炒雞排!】
【台灣|台東。台東天地人手創料理】