【日本 | 東京。機迷朝聖之地🎮 新宿Capcom Bar】

打機無分男女,特別喜歡玩動作或者驚嚇遊戲嘅朋友仔都一定會聽過Capcom呢間遊戲公司!而係新宿就有以Capcom旗下遊戲做主題嘅餐廳,唔只有為唔同角色設計嘅餐點,侍應仲會因應你Order咗嘅菜而作出相應表演,係機迷嘅話一定會有共鳴!非常值得一去呀!

▲「Capcom Bar」係由Capcom同大型餐飲及卡拉OK集團PASERA合作搞嘅主題餐廳同酒吧!固有嘅主題包括Monster Hunter、Biohazard、戰國Basara、惡魔獵人、逆轉裁判同街霸等,餐廳仲會不定期推出Special Menu添。

▲餐廳入面放滿曬唔同遊戲嘅道具或者Figure,見到喜歡嘅遊戲真係零舍興奮添呀!

▲Menu入面嘅每種菜式都係對應番唔同遊戲入面嘅角色,非常有諗頭!部分餐點上枱嘅時候仲會有表演添呀!好似如果點Biohazard入面嘅「獵殺者」,就會送上一個扮腦嘅蛋糕,侍應會叫你用刀將佢切開,之後佢就會痛苦呻吟,就好似佢俾人刺中一樣,相當抵死!

▲由於唔係每樣餐點都會有表演,所以如果你真係好想睇既話,可以問下侍應點樣會有special喇!

▲餐廳入面仲有遊戲機俾你任打!就連最新嘅VR都有㗎,同朋友一齊邊食邊玩,正呀!

Capcom Bar

地址:新宿区歌舞伎町1-3-16 パセラリゾーツ新宿本店1F
開放時間:星期一至五 14:00-23:30 星期六/日及公眾假期 11:30-23:30 (有分時段,詳情可上官網查詢,另可網上預約時段)

文字來源:香港人.歎世界/圖片來源:互聯網

相關文章:
【日本|滋賀。雲上的世界☁激靚琵琶湖露天Cafe】
【日本|和歌山。円月島白浪濱😲】