【雞排變變變!】

Magic變出好味來!🔮
講起台式雞排,大家都一定諗起又滑又大嘅勁大雞排,充滿咗唔同嘅香料又熱辣辣。位於黃埔嘅呢間小食店啲雞排就勁好食啦,又滑又多汁,一啲都唔膩,保證好介紹,而且老板仲鍾意研究新菜式,最近就出咗兩個新菜式,大腸包小腸同日式吉列雞扒涼拌稻庭烏冬,每樣都真材實料,味道都幾好。


日式吉列雞扒涼拌稻庭烏冬($38):呢碗烏冬勁足料,有肉、紫菜、蔬菜,烏冬好彈牙,絕對係稻庭烏冬,撈埋啲汁,夏天食好開胃。吉列雞扒整得啱啱好,有少少辣,肉質好嫩。


大腸包小腸($28):大腸包小腸外型似熱狗,腸仔係台灣腸,上面有蒜蓉,令到大腸包小腸特別香,但個包其實飯黎,啲飯好黏口,口感食落好特別,而且特別飽肚。


多力滋雞排(香辣+孜然)($30): 外層炸得好香脆,肉質好嫩又juicy,辣粉同孜然都整得均衡,唔會有一部分特別辣同香料重,size又大,好抵食。


芒果雪碧沙冰($25): 雪碧比較多,芒果味亦都特別清甜,夏天飲就好適合。


▲檸檬沙冰($15):檸檬味啱啱好,唔會好酸,而且有啲檸檬果肉係飲品度,消滯又解暑。

魔法雞排(紅磡)
地址:紅磡德民街1-15號地下A4A舖
電話號碼: 63300574 / 26169926
營業時間: 星期一至五、11:30-23:30 / 星期六: 11:00-00:30

文字/圖片來源:香港人.遊香港
—————————————————————
相關文章:
【 ❄️🔥冰火交融!芝士蛋糕 x抹茶雪糕蜜瓜包!】
【西灣河有💗豬扒包🐽】