【聽海睇日落-青龍沙灘】


好寧靜好優美

青龍灘係位於屯門區嘅沙灘,對岸就係大嶼山及赤鱲角機場,環境非常優美寧靜,但注意返⚠️呢個沙灘唔屬於康文署管理範圍,所以係無任何有關泳灘嘅設施,⚠️亦無救生員當值。 而且呢度就頗為偏僻,去欣賞日落同靚景時就要小心啲。


▲天氣好到不得了,清楚望到對面嘅山、建築,風景好靚,藍天白雲,而且水非常清澈。係度睇海、聽浪,一定好寫意!


▲沙灘旁邊係石灘黎,都係天然石頭,好自然樸素Feel,石頭上有時會有青苔,但算幾乾淨,可以坐著閒聊,不過要小心。


好多人都帶狗狗黎玩,海灘上比較平坦,可以係度同狗狗賽跑、嬉戲,呢度人少,就唔驚狗狗影響到人。


睇準時間黎,仲有機會睇埋日落再走,呢度無高樓遮住,睇日落風景都好方便。


附近居民有時間經過都會黎,不過就較少人知道呢個地方。

青龍沙灘
地址: 新界屯門愉翠街

文字來源:香港人.遊香港/圖片來源:icuteeecharliewa.chachakancheuk6086
—————————————————————
相關文章:
【輕鬆半走.元荃古道】
【藍地水塘】