【銅鑼灣元祖韓食!傳承韓式原味!】

最愛前菜8小碟!

近年韓風襲港,好多新派韓國菜都打住芝士乜乜乜既旗號,其實唔少韓食店早係10幾年前已經係香港插旗,好似呢間位於金百利既餐廳咁,小編至like前菜8小碟,碟碟都認真製作,泡菜食得出係精心炮製,真係有甜有辣開胃超醒神!當然,呢度都有捲席全球既炸雞,呢份甜辣醬炸雞都份量唔細,甜辣醬掛係香脆雞皮上,唔覺唔覺就食多幾件,小編都係食埋呢餐先減…


▲唔講未必知,原來呢間韓食店已經係呢度18年有多,裝修陳設仲好似上個年代咁,不過勝在座位坐得舒服夠闊落。


▲傳統韓食餐廳做韓式前菜特別出色!唔少得有泡菜、漬蘿蔔、甜薯仔、炸魚仔、小黃瓜、芽菜、菠菜,未食都已經心花怒放。


▲小編同友人最愛炒年糕,所以點了韓式辣炒年糕(豬肉/$120),年糕伴入辣醬,煙煙韌韌,加上辣口味,愛辣之人一定愈食愈過癮!


▲甜辣醬炸雞($200 ),每份炸雞都配有沙律菜同蘿蔔,用意相信係清新一下口腔/span>


▲脆炸既外皮塗滿紅噹噹既甜辣醬,食落有D黏黏地痴牙好過癮,不過就醬汁濃味,而且甜多過辣。


▲小編仲叫左個煎蠔餅($145),同一般係大排擋食既唔同,係一件件細細件,不過都用料十足,件件有見到大大粒既蠔架,表面香脆,內裏煙韌,加上蠔的鮮甜味,令人一件又一件咁食唔停口。


▲餐後既芝麻雪糕非常香濃,好似食緊凍既芝麻糊咁,完全感受到粒粒芝麻香

金羅寶韓國料理
地址:銅鑼灣記利佐治街1號金百利廣場6樓
電話:2895 6398 / 2895 3986


文字/圖片來源:香港人.遊香港
—————————————————————
相關文章:
【 #銅鑼灣新店!冬瓜卜卜蜆😍】
【香港首間韓國米酒餐廳】