你準備好未？！
每年美食博覽都好多人入場又食又買，入面野食平又好食，緊係個個都去買買買，另一方面，美食博覽每年都有「一蚊優惠」，都吸引好多人去搶購！8月17號先開始美食展，就等我地為大家介紹下今年嘅美食博覽有咩荀貨啦！
🎊亮點1 ：$1燕窩！🎊
▲御燕軒(攤位：1A-E20 )
有咩咁抵：$1即燉純淨燕窩1片。
名額：每日首10位顧客以$1 限購1 片即燉純淨燕窩(原價$488/5片)
亮點：呢個係馬來西亞品牌，今年首次參展美食展，今次＄1優惠既1 片燕窩份量都成碗咁多。
其它優惠：御燕軒美食展套裝 ($488，原價$768) ，有5塊即燉燕窩+1個燉壺，而且個包裝咁精緻，送禮自用都啱晒。
🎊亮點2 ：$1鮑魚！🎊
▲安記海味(攤位︰1C-B10)
有咩咁抵：$1玩遊戲贏鮑魚，美食展首日，安記海味攤位將會有一個
😳3米高嘅巨型福袋！參加者需要係限時
⏱️內係巨型福袋內向外拋出小福袋，由另一參加者接住，每接
名額：每日只限首10位顧客
亮點：安記海味推出$1鮑魚已經好多年，今次仲搵黎李家鼎代言，唔知鼎爺會唔會到場支持呢？
🎊亮點3 ：$1有100粒燒賣！🎊
▲陳記點心(攤位︰1A-C17)
有咩咁抵：首三日可以以1蚊買100粒燒賣 /最後兩日可以以1蚊買22隻粉果
名額：每日只限首10位灣仔會場顧客
亮點：坊間好多小食店都係陳記點心入貨，近年網上都有得訂購，＄1有100粒燒賣同22隻粉果都真係好抵！
🎊亮點4 ：$1冰皮月餅！🎊
▲榮華月餅(攤位︰1A-E21, 1C-B02, 3E-D21)
有咩咁抵：＄1玩1次遊戲，一手拎到幾多就有幾多
名額：頭三日頭20位顧客每人一次機會
亮點：榮華冰皮月餅全由香港廠房新鮮製作，夠哂本土！
🎊亮點5 ：$1成世免費食榴槤冰皮月餅！🎊
▲醉榴香(攤位︰ 1D-C02)
有咩咁抵：＄1玩遊戲換一世免費食貓山皇榴槤冰皮月餅
名額：頭一日頭3位顧客成功係”水晶月餅箱”內限時20秒剷到10個或以上榴槤水晶皮月餅
亮點：肉厚、核細、軟糯、甜蜜馳名的貓山皇榴槤係醉榴香的招牌產品之一，用黎整月餅確係有另一番風味。每年可領取一盒貓山皇榴槤冰皮月餅(正價為$808)，領足三十年，差唔多食成世呀！
2017美食博覽
展覽地點：香港灣仔港灣道1號香港會議展覽中心
展覽日期：2017年8月17日至21日（星期四至星期一）
開放時間：10:00am – 10:00pm（8月17日至8月20日）、
10:00am – 6:00pm（8月21日）
票價: 日間$25 / 晚間$10 / 套票$40(尊貴美食區)
文字來源：香港人.遊香港／圖片來源：TDC