尖沙咀好去處｜尖沙咀韓式自拍館 韓國OPPA主理 電梯主題人生四格 顯瘦高炒機
香港有得影超型電梯人生四格啦！近期十分流行既韓式自拍館係香港已經開咗唔少分店，而尖沙咀依間最新開既自拍館有咩咁特別呢？首先！店家引入咗喺韓國超hit既電梯主題房，超特別CCTV角度拍攝， 影出嚟就好似平時搭𨋢保安望到既鏡頭咁，勁新潮！而除咗電梯房，仲有另外3個唔同主題既自拍機房，包括超級顯瘦既紅色高炒機，簡約顯白藍色背景，同埋小清新米白色主題房。總有一間滿足到你！店內有大量道具可以借用，搞怪可愛或者型格風既頭飾都有， 連店員都可以借用！韓國Oppa店員全部都好nice，好歡迎大家開口問佢哋可唔可以一齊影相，想同oppa影相但係又怕醜，記得約埋朋友一齊去試啦！
▲ 韓國人老細引入喺韓國超紅嘅電梯主題自拍機，高度還原真實電梯CCTV鏡頭。
▲ 可以隨意放大縮細調整比例、排版，任揀相框和不同濾鏡。影一次收費由$60至$80不等。
▲ 四間不同主題房，除咗最潮電梯CCTV主題，仲有紅色高炒房、簡約藍調及小清新米色背景可任揀。
▲提供大量拍照道具，搞怪可愛或者型格風格既頭飾都有，令到影出黎既效果無咁單調！
▲影完之後唔好心急走住啊！記得拎埋電子版，即時收返電子相同影片，可以自己係段片入面截圖任揀，咁就唔驚影出黎4格都炒灑車！
MOMEN T
地址： 尖沙咀加拿分道49號夏惠樓地下shopG
時間：星期一至五 11：00 – 23：00 / 星期六及日 12：00 – 24：00
文字：香港人遊香港