香港好去處｜KUROMI主題樂園登陸元朗
今個夏日，人氣角色KUROMI登陸元朗！元朗3大商場化身成為銀河主題樂園，KUROMI、ROMINA、BAKU分佈於商場各地，同大家見面，主題樂園以Y2K為設計，當中必去有9米高巨型飛船、近20米長星空艦橋、近4米高KUROMI造型傳送門等等，可以話近年來最大型的 KUROMI 主題樂園！而姐姐ROMINA更係全港首次登場，粉絲唔好錯過！商場仲設有一系列精彩活動，可以換領精品，即睇詳情！
▲ 近4米高傳送門以KUROMI標誌性的耳朵設計而成，一齊穿越「超巨大夢想航道」正式開始探險！
▲絢麗樂園星球：萬眾期待嘅姐姐ROMINA首次亮相於香港主題大型裝置，KUROMI同姐姐ROMINA等緊大家嚟揾佢哋打卡合照！星球上的大型KUROMI 耳朵係由彩色閃片砌成，充滿Y2K 感！
▲KUROMI宇宙冒險飛船：逾9米高飛船發出彩光，充滿夢幻感！另外，KUROMI、ROMINA及手下BAKU仲化身做霓虹燈牌，藏身於步行街兩旁，大家經過不妨揾下佢哋嘅身影！
▲嚟到戶外廣場，大家不妨放慢腳步，欣賞天空中近20米長的「星空閃爍艦橋」，只要抬頭就會見到KUROMI 同大家一齊飄浮在星空，準備好手機同夜空一齊打卡！
▲KUROMI雲海樂園：身長近4米、可愛的KUROMI瞓喺七色星雲上高，Chill住享受戶外嘅大自然景色。
▲「虹彩光影UFO」：UFO以KUROMI專屬的粉紅色骷髏頭為設計，底下仲設有V型深淵鏡面打卡位，大家記得把握機會，同KUROMI一齊影相！
▲會場設有2.2米高的超巨型充氣KUROMI守護住近5米高的「願力能量守衛塔」，大家記得去揾佢打卡！
KUROMI宇宙能量大冒險
活動日期：2024年7月18日至9月1日
活動時間：10:00-22:00
活動地點：YOHO MALL I中庭、YOHO MALL II 中庭及YOHO MIX 戶外廣場
文字：香港人遊香港