【香港好去處】今個盛夏，海洋公園時隔4年熱爆回歸夏水禮，推出夏日emoji主題活動。活動包括「勇闖街頭水戰大激鬥」、「水花玩樂地帶」、「夢幻泡泡派對」、「emoji打卡樂園」以及塗鴉牆打卡，當中「街頭水戰大激鬥」就最刺激，好友可以拿着水槍與隊友進行大激鬥，而「夢幻泡泡派對」就絕對是打卡好地方，大家可以走進軟綿綿的雲朵泡泡世界，享受現場DJ表演，兼且在動感節拍和燈光下。另外，海洋公園亦推出一系列主題美食，例如「夏日漢堡傾情」套餐、新鮮椰皇、冰凍鮮菠蘿串及芒果串及夏日特飲等，消暑必備。仲有更多精彩節目等緊大家，仲唔快啲去參加！
▲「emoji打卡樂園」設3米高的巨型充氣波波，各種超fun emoji比你不停打卡，另外仲有emoji塗鴉牆。
▲emoji塗鴉牆超級吸睛，emoji帶你去坐小丑過山車，記得要去拍照！
▲「街頭水戰大激鬥」：大家可以在Emoji塗鴉色彩的場館中玩樂，每人可以拎著水槍激鬥，仲要不時留意周圍陷阱，一不小心就會被水柱射中！
▲「夢幻泡泡派對」：則身處於軟綿綿的雲朵泡泡世界，現場亦有DJ表演，可以一邊玩樂一邊享受音樂。
▲小朋友們一定要去超好玩的「水花玩樂地帶」，設有轉噴水拱門和色彩繽紛的噴泉陣，或者站在巨型水桶裝置下，等待水桶注滿後傾盆而下，享受瀑布般的清涼快感。
▲海洋公園仲推出多款限量emoji主題美食，包括主打精選甜品的「暢遊海陸空」套餐、「夏日漢堡傾情」套餐、新鮮椰皇、冰凍鮮菠蘿串及冰凍鮮芒果串。
海洋公園 emoji®️夏水禮
地點：海洋公園海濱樂園廣場
開放時間：2023年7月8日︰下午2:30至晚上7 :30/ 7月9日至8月27日︰上午11:00至晚上7:30
購票：https://bit.ly/3O35EAG
^夏水禮將於7月8日下午2時30分正式啟動。
圖片&文字：香港人遊香港