銅鑼灣CEO重開！又可以去唱K喇！
成日約去唱K，都要諗真D食完飯先唱，定唱K-Buffet好？以前D K-Buffet質素真係好一般，不過原來銅鑼灣CEO重新裝修之餘，仲徹底改革K-Buffet，唔止有日式刺身、即開生蠔，仲有好多唔同東南亞同潮流美食，好似流心芝士撻、抹茶同紫薯流心心太軟等，真係未唱飽已經食飽！！
▲自助餐區似乎刻意同Ｋ房區有明顯的分別，裝修都係清新明亮為主。
▲日式刺身樣樣大大件，都尚算新鮮
▲鐘意食生蠔的有福了！呢度有日本兵庫縣生蠔，全部任食！
▲唔鐘意食生野既朋友，小編推介你地食蒜蓉粉絲蒸扇貝同蒜蓉焗蠔，好有家庭口味！
▲採用意大利的芝士及味道較濃的車打芝士，再配上新鮮的龍蝦一併烘焙，讓美味的芝士滲入爽甜彈牙的龍蝦內。
▲將準備好的扁意粉放入24個月的巴馬臣芝士輪內，用熱力溶化，令香濃芝士能滲入扁意粉內。
▲扁意粉仲會加入巴馬火腿及黑松露菌醬，令每一條意少都掛上香濃的芝士同黑松露菌醬，食落成個味道昇華至另一層次！
▲其實食到呢度，小編已經飽左一半有多，不過一嘗呢個芝士撻，胃口又返黎喇！呢個芝士撻絕對可以同專門店出品既相提並論！新鮮出爐既曲奇餅底，襯托香濃芝士漿，咬落去流心芝士四溢！
▲另一款小編推介小食係呢個炸Oreo！Oreo餅沾滿炸漿再炸，咬落外脆內軟，口感獨特有趣。
▲幾飽都要試埋呢個紫薯同綠茶心太軟！紫薯口感厚實，而綠茶則口味較清新。
銅鑼灣CEO K-Buffet
供應時間：下午6時至晚上9時30分
地址：香港銅鑼灣怡和街19-31號2樓至3樓CEO卡拉OK
收費：星期日至星期四:HKD$209/1位
星期五、六及公眾假期前夕: HKD$219/1位
*上述收費已包括K-Buffet及人頭費，惟需另收加一服務收費
文字／圖片來源：香港人.遊香港、Neway CEO