一日學識5款泰菜！
小編上次去清邁其中一個must-go行程，就係上cooking class！素聞清邁cooking class質素都幾高，而且一次過仲可以試煮5款泰菜，今次終於一試，小編真心覺得興奮呀！先當地菜市場介紹當地使用既香料、食材，之後搭多大半小時車，就去到Thai Farm，Thai Farm係個既整潔又企理既小型農場，導師為我地逐一介紹田野的香料同蔬菜。同行同學仔有一對法國couple、一對墨西哥couple、一個香港爸爸、以及我地一行4人，原來咁先可以體驗到唔同地方飲食文化！
▲導師帶我地前往菜市場介紹當地使用既香料、食材
▲泰國都有唔少本土米
▲之後搭多大半小時車，就去到Thai-Farm，Thai-Farm係個既整潔又企理既小型農場，導師為我地逐一介紹田野的香料同蔬菜，-休息一陣，我地終於開始烹飪體驗！
▲呢個就係我地學烹飪既課室
▲田野有木瓜以及唔同種類果樹
▲一開始我地就將班蘭葉用呢個盅盅成泥狀待用，原來都要一定程度技巧，結果小編差唔多最後先完成。
▲要整到呢個效果先叫合格！
▲第一樣我地會整冬陰公湯，原來只要將蕃茄、秀珍菇、泰式茄子、香茅、九層塔及檸檬葉炒熟，再加入水、泰式辣醬同大蝦，要加入小量青檸汁，咁就做完，真係好簡單！
▲賣相真係似模似樣
▲之後就開始煮咖哩，我地有紅咖哩、黃咖哩同青咖哩揀，小編揀左青咖哩，賣相呃得下人架！
▲不過小編對之後的香葉肉碎冇咩好感，所以白飯都係撈青咖哩食！
▲小休一陣後，導師就示範整青木瓜沙律，青木瓜沙律好清新，正好辟去口腔中既青咖哩。
▲有咁多野食，呢個one-day-course真係好抵！
▲之後就開始整小編其中一款泰菜至愛－炒金邊粉，好好味呀，不過小編已經好飽。
▲最後就整甜品-泰式椰汁班蘭香蕉露，正好當時盛產紫色碟豆花，原來可以就咁食。
Thai Farm Cooking School
地址：38, Soi 9, Moonmuang Rd. | Sriphoom Subdistrict, Chiang Mai 50200, Thailand
預約：www.thaifarmcooking.net/
文字／圖片來源：香港人.嘆世界