香港好去處:【南生圍坐全港唯一人手動橫水渡!婚紗橋+紅樹林未受污染後花園!】

南生圍一向都係香港人嘅後花園,吸引不少一家大細、情侶等去半日遊打下卡親親大自然。南生圍擁有一大片蘆葦田、紅樹林、池塘和草地,更是出名觀鳥、拍婚紗相、電視劇的熱門取景地,拍到有條橋叫婚紗橋。南生圍仲保留了全港唯一人手橫水渡,由船夫一人撐著木船短短一分鐘內就安全渡河。

去南生圍有多條路線,既可以踩單車入去又可以慢步行去。小編就選擇了慢步,只要係元朗西鐵站G1出口從旁經過車場、天后廟再向前行見到元朗舊墟路再到山貝路行多少少就會見到橫水渡碼頭,對面就係南生圍啦。全程只需15-20分鐘左右。不妨假日去個半日遊放鬆一下,感受一下大自然,但記得要愛護環境,自己帶走垃圾。

▲橫水渡碼頭$7一個人,如果有單車加多$1。

▲木船由人手推動。

▲一大片蘆葦田,加上藍天白雲令人心曠神怡。

▲最出名的婚紗橋

▲橋身伸展到池中央可以拍出無數靚相。

▲如果你腳力好,可以選擇於工業邨岀後岀,再沿着南生圍路走回元朗站,大約用上一個多小時,亦可選擇以單車代步。

▲途經多個魚塘或士多,行到攰可以食個豆腐花休息下。

文字 / 圖片:香港人遊香港