呢間人氣打卡cafe本店位於香港大學站附近，好多HKU生一落左堂都會黎食野，其食物極之邪惡，佢地個黐線芝士黐住芝士治更係打卡名物。不過以前要過海先食到，依家石硤尾美荷樓都有得食喇，石硤尾分店比西環店大小小，依然保留美式風格，食物方面除左黐住芝士治系列，店家仲推介佢地又邪惡又美味焦糖花生醬奶昔！
▲黐線芝士黐住芝士治（$78）以紅菜頭製作成粉紅色麵包，夾心係用香草醬加上熱溶芝士，食落啖啖都有濃濃芝士味。
▲黐線芝士黐住麻辣雞治（$92）雖然材料簡單但食得出用料高質，鹹香獨特，唔似超市隨便買到片裝芝士！
▲蘑菇煙肉烤芝士（$70）超級邪惡配搭。
▲蜜糖煙肉香蕉爆谷美式班戟（$80）又咸又甜都幾特別，一份夠哂飽肚。
▲性感布朗尼朱古力蛋糕+香蕉雪糕（$68）布朗尼朱古力蛋糕口感濕潤濃郁又帶有堅果口感，加上香蕉及雪糕係極佳既組合！
▲Mixed Berries Milkshake，奶昔感覺好creamy 面頭仲有啲花瓣，味道唔算死甜！
▲焦糖同花生醬比例恰到好處，花生醬都好rich不過唔會好膩
▲新店位於美荷樓，係一眾文青聚集既地方
No Milkshake No Life
地址：石硤尾白田街13號美葵樓地下G01號舖
電話：98163818
營業時間：星期二至日10:00 – 18:00 / 星期一休息
文字來源：香港人遊香港 / 圖片來源：@sogoodsw、@everyonefoodie、@laikwongsang_sang、@badassandrewsun、@nomilkshakenolife、@mihofun