呢間cafe喺工廈嘅地下轉角位，無論係裝修定係擺設都充滿濃濃嘅工業味，餐單由老闆每日用心設計，每日都唔一樣，好有新鮮感！雖然位置有啲隱蔽，但係食物質素都幾高水準！煙肉煎雞卡邦尼闊條麵creamy又濃郁，煎雞都幾嫩滑！跟餐加$10就可以嘆埋咖啡，班蘭味嘅咖啡好特別，配合埋朱古力芝士蛋糕一齊食，真係好夾！由於cafe喺工業區，反而weekend會比較少人，可以enjoy下慢活時光！
▲ 煙肉煎雞卡邦尼闊條麵： 卡邦尼味道香濃，亦足夠creamy，闊條麵唔會過鹹，煎雞都幾嫩滑！
▲ 煙肉煎雞卡邦尼闊條麵唔會太油或者太鹹 ，份量亦好多，食到好飽！
▲ Flavored coffee (班蘭味)：飲品跟餐加$10，班蘭香油溝埋咖啡味道又幾特別！
▲ 朱古力芝士蛋糕：蛋糕跟餐+$30，朱古力味濃郁！
▲ 大大件，份量好足好好味，配合咖啡食用好正！
▲ 工業風裝修好型格！
VII Drip & Brew
地址：葵涌大連排道132-134號景星工業大廈地舖
電話： 5703 7134
文字來源：香港人遊香港 / 圖片來源 ：＠ matcha.hts
