荔枝角美食:【宮廷風餐廳打卡必去!主菜款式極多 波士頓龍蝦肉/紐西蘭羊架/澳洲肉眼扒】- INN – I’m Not Nothing

位於荔枝角工廈內的INN,以一身宮廷風的格局示人,地方放置羅馬柱和一些水晶調燈,是一個特別的打卡好地方。店內提供多樣的菜式,當中包括海鮮、多國菜式等等。而且主菜款式通通大有來頭,例如有波士頓龍蝦肉、紐西蘭羊架、澳洲肉眼扒等等,包有一樣你鐘意!另外大部份主菜,只要加$38就可以加配是日餐湯和餐飲。

▲波士頓龍蝦肉羅勒忌廉意大利飯 ($148):龍蝦肉好鮮甜肥美,而且爽口彈牙,再配合Creamy的忌廉意大利飯,真係好正!

▲ 香烤露絲瑪莉芥茉籽醬紐西蘭羊架 ($138):最瘦,味道最濃的羊鞍肉,唔會有太濃烈的羶味之餘,再加上芥茉籽醬令羊架更惹味。

▲ 澳洲肉眼扒8安士配薯菜($138):來自澳洲的肉眼扒味道比較濃郁,不用調味都好夠味﹐好juicy!

▲ 榛子朱古力香蕉士多啤梨忌廉法式班戟 ($68):滿滿的榛子朱古力醬,再以新鮮水果作平衡,食落口唔會太膩,反而覺得Fresh!

INN – I’m Not Nothing

地址:荔枝角長沙灣道883號億利工業中心2樓203號舖
營業時間:星期一至日12:00-17:00及18:00-22:00
路線:港鐵荔枝角站 D1 出口, 步行約1分鐘

文字來源:香港人遊香港/ 圖片來源:@ nat.foodseminar , @ little.fat.west