真香港人小店:【銅鑼灣日式串燒+燒肉!必食燒肉拼盤鹿兒島A4和牛+辣酒煮螺!】- 深燒酒

呢間銅鑼灣小店是主打自己動手燒串燒和燒肉的日式爐端燒料理店,而且位於地鋪所以邊位更是環境開揚舒服。呢到必試一定是深燒牛燒肉拼盤,一共有6款牛包括有鹿兒島A4和牛、特級安格斯、特尚牛頸脊、牛脷、金菇牛肉卷、一口霜降牛。當中A4和牛油脂分明又粉嫩,入口仲有濃濃牛味。另一必食辣酒煮螺配丁麵,螺肉新鮮爽口,食完螺仲會用個辣汁煮麵,麵條吸盡辣汁精華非常惹味。

▲深燒牛2人份量。包括有鹿兒島A4和牛、特級安格斯、特尚牛頸脊、牛脷、金菇牛肉卷、一口霜降牛。

▲牛肉燒香後仲係嫩滑軟淋、有肉汁,牛味濃郁,配埋自選麻辣醬更惹味。

▲辣酒煮螺配丁麵,螺肉新鮮爽口,食完螺仲會用辣汁煮麵,麵條吸盡精華非常惹味。

▲深燒蟹蓋,入口有滿滿蟹膏甘香味,而蟹籽和蟹肉絲增加了口感,好邪惡。

▲黑豚蘆筍卷,黑豚肉配蘆筍減少油膩而且蘆筍新鮮脆身。

▲牛油菇菇,金菇好細心地剪短方便進食,而且吸收了牛油香又多汁。

▲生啤,食燒肉串燒點少得啤酒,仲有買2送1。

深燒酒

地址:銅鑼灣駱克道397號
電話:37052556

文字 / 圖片:香港人遊香港