香港好去處:【新手簡易路線!粉嶺冬日打卡勝地!大片盛開白茅草原+芒草!】

粉嶺坪洋白茅草原非常靚,絕對稱得上隱世美景,想影芒草、茅草又懶得行上山?呢達地方就啱曬你,一大片嘅白茅草原非常靚,望落去好治愈!一片草原都毛茸茸咁,啱曬打卡影相!如果想更加突出白茅草原,大家就必須踎低小小先可以影到個靚景喇!

▲仔細睇白茅草的樹葉係一束束呈鋸齒形狀~毛茸茸的感覺,望落去非常靚!

▲白茅草,較芒草矮小。如果想係度影相打卡,大家就要踎低小小先可以影到一片白茂草嘅全景!

除咗白茅草之外,附近小路都會有芒草蹤影~芒草形態一般比較高大,可生長至2至3米高!

▲附近有小路就專係影芒草嘅,小路兩側生滿曬一顆顆高大的芒草。

如果大家留心觀察,路邊還有少量紅毛草,都幾值得影相!

粉嶺白茅草原

粉嶺白茅草原

路線
粉嶺港鐵站A3出口>小巴52k往坪輋方向(約20分鐘後,坪原路「九記士多」下車)>再徒步十多分鐘到「坪洋公廁」
白茅草原
「坪洋公廁」>向左步行約15分鐘>大牌坊左上>涼亭(留意右邊小路)
芒草
「坪洋公廁」>沿馬路步行約廿分鐘 (途經公園仔、公廁、鄉公所,再向右上斜) >到達坪洋村「三鄉亭」>後面就是一大片芒草平原

文字來源:香港人遊香港/圖片來源:@leopard_fish_