香港好去處:【香港迪士尼15週年聖誕裝置登陸銅鑼灣!3米高聖誕樹/奇妙城堡/水晶球!】

唔經唔覺香港迪士尼成立15週年啦!今年銅鑼灣利園區的三個商場,將與迪士尼攜手舉辦主題為「香港迪士尼15週年:奇妙聖誕慶典」的活動,迪士尼希望將週年歡樂及聖誕氣氛帶俾香港市民!讓市民感受喺香港過聖誕都好有氣氛!屆時利園區商場將遍佈一眾迪士尼朋友15週年造型Figure和佈置,仲有幾個精選打卡位包括幻彩飄雪水晶球、奇妙聖誕廣場和3米高的聖誕樹!大家聖誕記得到場打卡!

幻彩飄雪水晶球,5米高的米奇頭像打造的水晶球非常吸睛,佈置於指定時間內將會有星光效果,倍添浪漫氣氛!
地點:希慎廣場地下(啟超道入口)

奇妙聖誕廣場,將聖誕節的熱鬧盛況帶到現場!唐老鴨及黛絲塑像於米奇拱門下歡迎大家,另一邊的鋼牙奇奇與大鼻帝帝亦忙著佈置小鎮。另外,奇妙廣場亦會開設期間限定甜品店,入面會售賣迪士尼公仔樣的食物,非常可愛!
地點:希慎廣場一樓

閃爍聖誕樹,在漆黑的夜晚令你眼前一亮,勢必成為光芒四射的打卡熱點!好朋友米奇、唐老鴨與高飛形影不離「層層疊」,為巨型聖誕樹加上繽紛吊飾。
地點:利舞臺廣場地下

香港迪士尼樂園15周年:奇妙聖誕慶典 AT LEE GARDENS

地址: 希慎廣場、利園二期、利舞臺廣場
展出時間:11:00-21:00
展出日期:2020年12月上旬至2021年1月10日

文字來源:香港人遊香港