酒店下午茶:【打卡酒店嘆超抵2人下午茶$238!高空露天酒吧180度無敵海景!】

呢間出名270度房間無敵海景打卡酒店,除了房間外其實係32樓有間天台露天酒吧都擁有180度無敵海景,而且仲推出了超抵2人下午茶set只需要$238即係平均一個人只係$119超抵食。下午茶包括有4款咸點和5款甜點,咸點有燒雞胸芝士三文治、風乾火腿慕絲、西班牙香辣蝦和迷班魚柳包。甜點就有鬆餅MacaronsTiramisu迷你生果果撻和雲尼拿奶凍。當中燒雞胸芝士三文治好似成舊壽司,仲用火槍燒香過,真係好似食緊壽司非常神奇。嘆住3層下午茶望住無敵海景,打卡、寫意、美食一次過滿足晒。

2人下午茶($238):3層架,包括有4款咸點和5款甜點。

▲180度開揚無遮擋維多利亞港景色一覽無遺。

▲最高層有提子鬆餅、風乾火腿慕絲配薑汁燴菠蘿和黑加倫子杏仁馬卡龍。提子鬆餅可配士多啤梨醬和忌廉,鬆餅夠鬆不會過硬實;黑加倫子杏仁馬卡龍不會太甜,黑加侖子味夠濃;風乾火腿慕絲配薑汁燴菠蘿用料豐富,每一啖慕絲都有咸咸的火腿味配粒粒菠蘿肉更豐富口感。

▲中層有迷你魚柳包、燒雞胸芝士三文治和西班牙香辣蝦。迷你魚柳包是用意大利軟包配酸酸地醬汁;西班牙香辣蝦蝦肉爽口配好微辣蕃茄醬汁夠開胃;燒雞胸芝士三文治賣相好似壽司,簿切雞胸肉上有芝士經火槍輕輕燒香,入口真心似食緊壽司。

▲最後一層有Tiramisu、迷你生果果撻和雲尼拿奶凍。Tiramisu咖啡味香濃;迷你生果果撻用了新鮮士多啤梨配白朱古力;雲尼拿奶凍表面有白朱古力絲。

Sugar

地址:太古太古城道29號東隅酒店32樓
電話:3968-3738
供應時間:14:30-17:30

文字:香港人遊香港