沙田美食:【#新派日本菜!資深日籍廚師主理!滿瀉三文魚籽丼+A4和牛海膽壽司】- 源峰@帝逸酒店

去年底新開幕的沙田區酒店頂層餐廳,最近新加盟兩位資深日籍廚師,主打Omakase(廚師發辦)和爐端燒,仲有精緻的懷石料理。除咗食物正宗高水準之外,仲加入唔少新派元素!食材仲係即日新鮮運到,疫情下難以飛去日本食地道料理~嚟沙田區呢間日式餐廳都有得嘆啦!店內環境舒適,再加埋城門河畔的美景相伴,週末想嘆一餐精緻日式料理,不妨一試!

Omakase(廚師發辦):唔知點揀好?由主廚幫你決定啦,包括刺身或熟食都有,正所謂不時不食,廚師仲會按時令食材為你選擇最新鮮的食材,一定包你滿意!

Salmon Roe and Uni Jewelry Bowl

▲ 有咩日式新派菜咁吸引呢?一定要試招牌特色 《滿瀉三文魚籽伴北海道海膽丼》,呢碗矜貴的海膽丼,再鋪上滿溢碗邊的的三文魚籽,口感與味蕾的感覺非常澎湃。

Wagyu and Uni Sushi

《A4和牛「野崎牛」海膽壽司》:以野崎牛的嫩,配以海膽的鮮,給味蕾帶來難忘的體驗。

Foie Gras Burger

《鵝肝迷你漢堡》:為此經典食材配以精緻小巧的造型登場,締造全新烙印 。

源峰

地址:香港沙田源康街1號帝逸酒店28樓
電話:3653 1115
營業時間:中午12時至下午3時;下午5時30分至晚上10時

文字:香港人遊香港