香港行山路線:【超高難度路線! 尋找石天窗!山頂欣賞馬鞍山西貢海景!】- 黃牛石城

黃牛石城係位於西貢黃牛山西南面山坡嘅巨石群。由於巨石群 一層層排列喺山坡上,遠睇好似城牆,所以被稱為石城!其中以「石天窗」最具特色,吸引好多人打卡!另外上到山頂,仲可以欣賞到一望無際嘅馬鞍山同西貢海景,海天一色嘅景致令身心得以放鬆!提提大家, 呢條路線山路陡峭,沿途滿佈浮沙碎石,好容易發生意外!所以新手就唔推薦行,同埋一定要注意安全 ,著好行山裝備!

▲ 建議路線: 蠔涌 — 界咸 — 大腦 — 黃牛石城 — 花心坑 — 黃泥頭
全長約7.5公里,全程約3個半小時!

▲ 沿途冇補給點,所以大家一定要準備好足夠嘅水同乾糧!當然仲有足夠嘅體力!

▲ 上山路線唔係好清晰,主要倚賴絲帶引路,所以絕對唔建議新手自己去行,建議同富經驗者同行!

▲ 傳說中嘅石天窗! 大家唔好為打卡而做危險動作,要注意安全!

蠔涌交通:

92號巴士鑽石山港鐵站 ⇔ 西貢市中心蠔涌
96R巴士鑽石山港鐵站 ⇔ 黃石碼頭蠔涌只限星期六、日及假日
792M巴士將軍澳港鐵站 ⇔ 西貢市中心蠔涌
101M小巴坑口港鐵站 ⇔ 西貢市中心蠔涌
1號小巴九龍灣德福花園 ⇔ 西貢碼頭蠔涌
1A/1S小巴彩虹彩頤花園 ⇔ 西貢碼頭蠔涌1S為通宵服務班次
紅色公共小巴旺角登打士街 ⇔ 西貢運動場*
觀塘宜安街 ⇔ 西貢運動場
銅鑼灣堅拿道東 ⇔ 西貢運動場#
蠔涌* 24小時服務班次
# 晚上服務班次

文字來源:香港人遊香港 /圖片來源:@liannayuennn