觀塘美食:【視覺效果滿分!火焰脆燒德國咸豬手!香酥juicy皇牌威靈頓牛柳!】- Mini Friday

呢間高質西餐廳位於觀塘,出名又平又抵食,而且環境仲好舒適!當中一定要叫嘅係視覺效果滿分嘅火焰脆燒德國咸豬手!一上枱,店員會喺你面前點火燒脆個皮, 可以一邊望住啲火燒,一邊打卡!豬手皮燒到好香脆,同埋份量好多,4-6個人都夠分!不得不提係呢度嘅皇牌威靈頓牛柳,除咗焗得香酥之外,牛柳都充滿肉汁,非常juicy,不愧係餐廳皇牌!

火焰脆燒德國咸豬手 ($238):店員會喺食客面前點火燒脆個皮!視覺效果滿分!而且豬手皮燒到好香脆!

皇牌威靈頓牛柳 ($298):酥皮包住粉紅色、充滿肉汁嘅牛柳,酥皮焗得香酥,牛柳亦夠juicy,黑松露蘑菇醬非常惹味!

鹹蛋黃炸雞翼: 每一啖都充滿鹹蛋黃,雞翼新鮮炸非常脆!

海鮮濃湯 ($88):海鮮味非常突出,作為餐前湯一流!

心太軟配雪糕 ($68): 心太軟焗得好靚,流心效果好突出,而且朱古力味濃郁!

Mini Friday

地址:觀塘興業街4號The Wave 3樓
電話:3705 9174

文字來源:香港人遊香港 / 圖片來源 : @foodlization