fbpx

紅磡美食:【#真香港人小店 份量十足車仔麵!必試鮮甜濃郁蕃茄薯仔湯底!】- 蒙麵

呢間好有性格嘅車仔麵店喺紅磡都開咗好多年,一直都咁受歡迎,全因為佢嘅車仔麵份量十足,而且好足料!店內同桌上嘅告示都寫明店主唔會選用次貨,對食物有高要求,所以質素都有保證!呢度嘅車仔麵都係三餸起,最有特色嘅就係佢哋獨有嘅「蒙麵」!蒙麵嘅質感,大概就係薯粉嘅外表,再加上烏冬嘅口感,仲有啲幾得意嘅q彈感覺,必食!另外鮮甜濃郁蕃茄薯仔湯底都係一定要試,平時坊間好多蕃茄湯底都係加水,但係蒙麵嘅蕃茄薯仔湯底食得出有好多茄蓉,絕對真材實料!

蒙麵(三餸) ($48) :有好多選擇餸可以自己配搭,今次三個餸選擇咗鹵水豆腐、黑椒牛丸同糖心滷蛋,配香辣菜甫同腩汁。

▲ 蒙麵原來有少少似上海粗面,口感幾似烏冬,但比烏冬再煙韌少少!

蕃茄薯仔湯粗麵 ($47) : 蕃茄薯仔湯底,味道非常濃郁,同時食得出有好多茄蓉,絕對真材實料,唔係罐頭開水嘅蕃茄湯底!

▲ 糖心滷蛋係原隻鴨蛋,幾入味,賣相亦好吸引!

▲ 勁多配料可以選擇,留意返車仔麵每碗三餸起!

蒙麵

地址:紅磡差館里9-15號協輝大廈地下1號舖
電話:2363 8166

文字來源:香港人遊香港 / 圖片來源 : @sa_foodieadventure

Close Bitnami banner
Bitnami