屯門美食:【老媽拌麵第四分店進駐屯門!多款人氣惹味拌麵/湯麵/滷肉飯!】

繼將軍澳、荃灣同上環,老媽拌麵又開第四分店啦!第四分店選址屯門,屯門嘅朋友有福了!除咗新款拌麵, 老媽拌麵亦提供飯類、台式小食、甜品同飲品等等,任君選擇!今年老媽拌麵推出荃灣同將軍澳限定嘅麻辣老鍋麵,使用老媽特製麻辣湯底,湯頭啖啖辛辣可口,肥牛片肉味濃郁,加埋香脆響鈴、台式地道麻辣鴨血同爽口彈牙墨魚汁豬肉丸,好惹味!唔知屯門分店會唔會推出限定拌麵呢?超級期待!

麻辣老鍋麵 ($84):老媽特製麻辣湯底,湯頭啖啖辛辣可口! 肥牛片肉味濃郁,加上金黃香脆響鈴、台式地道麻辣鴨血同爽口彈牙墨魚汁豬肉丸,夠惹味!

和牛炸醬拌麵 ($78):選用來自日本同巴西嘅和牛,搭配埋紅蘿蔔、黑木耳、小黃瓜等配料,仲有一隻太陽蛋做伴碟!

川味三寶牛肉麵 ($82):三寶分別係軟稔又不失嚼勁嘅牛筋、牛香濃厚嘅牛腱,仲有爽脆入味嘅牛肚!

美人雞湯$58 (配搭麵食$72): 雞湯清澈鮮甜,選用肉質嫩滑嘅切塊雞腿,
加入爽口鮮冬菇一同燉煮!

花雕雞拌麵 ($78): 台灣人氣No.1!經慢煮方式將醇厚的酒香完全滲入雞肉當中配上甘甜杞子同鮮味白玉菇!

魷魚圈滷肉飯 ($68):將肥瘦比例平均嘅切塊豬腩肉以花椒、八角、茴香等調味香料烹煮至香濃入味、入口即化,再配搭爽口彈牙嘅魷魚圈,送飯一流!

老媽拌麵

地址:屯門市廣場一期3樓332及3225號舖
電話:2396 2008

文字來源:香港人遊香港 / 圖片來源 : 老媽拌麵 – 香港堂食店 Lao Ma Noodle HK