fbpx

深水埗美食:【#真香港人小店 超正宗馬拉菜!熱騰騰濃郁藥膳味肉骨茶!】- 蘇媽.蘇媽馬來西亞茶餐室

講到馬來西亞菜,大家第一時間一定諗起肉骨茶!呢間馬拉菜餐廳喺深水埗、荃灣同旺角都有分店,有好多食客慕名而至!肉骨茶有好多款食材揀,包括豬腳彎、棒棒骨、三層肉、雞腳同豬肚等。食材經過長時間炆煮,濃郁藥膳味滲透哂落去,熱騰騰咁真係好香,食落又好暖胃!檳城福建蝦油麵係招牌菜之一,湯底鮮甜,蝦亦好入味, 材料都幾足,值得推介支持!

豬腳彎肉骨茶 ($45): 可以根據個人口味加入蒜蓉、辣椒、頭抽、黑豉油,調出自己鍾意嘅味道!

棒棒骨肉骨茶 ($76):棒棒骨即係豬嘅腿骨,長時間炆煮,令肉質細嫩,濃郁藥膳好入味,而肉骨茶湯料配搭金菇和豆卜!

檳城福建蝦油麵 ($55): 招牌菜!湯底鮮甜,蝦同埋豬肉都夠入味!辣度算BB辣,怕辣都可以試下!

辣死你嗎配仁噹牛肉 ($55): 牛肉煮得入味軟爛,配料有青瓜、花生、乾魚仔,薯仔同蛋,全部撈埋椰漿飯一齊食!

玻璃尤魚配通菜 ($48): 汁甜甜辣辣,食一條菜就沾好多汁好正!

蘇媽.蘇媽馬來西亞茶餐室

地址: 深水埗基隆街251號地下
電話: 2447 9188

文字來源:香港人遊香港 / 圖片來源 :@yellow.shop852 、@food_doghk

Close Bitnami banner
Bitnami