都市熱話:【寵物小精靈虛擬空間遊樂設施限時開放!影相打卡!玩特別任務密室逃脫遊戲!】

日本虛擬社交網站「cluster」喺即日至31日期間舉行特別活動「寵物小精靈 Virtual Fest」,以「共同製作的夏日回憶」為主題,喺虛擬空間之中製作出前所未見嘅主題樂園!除咗可以影相打卡,仲可以挑戰密室逃脫遊戲,考驗你嘅智力!8月29日至31日期間,特設舞台專區更加會舉行皮卡丘舞蹈表演同煙火大會等等!無論係手機定係電腦用家都可以download進入園區遊玩,仲可透過超連結邀請好友入場! 寵物小精靈迷一定要玩!

▲ 日本虛擬社交網站「cluster」將喺8月12日至31日期間舉行特別活動「寵物小精靈 Virtual Fest」

▲ 遊戲設有特別任務,官方將會按照完成任務嘅人數開放園區內的景點同其他內容,畀全世界嘅玩家聯手完成整個主題樂園!

▲ 大家可以挑選自己鍾意嘅虛擬形象,喺園區之中到處拍照留念!

▲ 主題樂園設有傳統嘅機動裝置, 喺Virtual Fest 中等大家挑戰!

▲ 日本夏日祭典中經常出現嘅攤位遊戲!

▲ 精靈球外型嘅「寶可夢極巨摩天輪」!

▲ 「吼鯨王海天巡迴」!

▲ 仲有特別任務密室逃脫遊戲玩!玩家將需要喺密室房間解開全部謎題先可以離開!任務分為三種,分別係需要找出正確道路嘅「迷宮任務」、房間中收集文字搵出答案嘅「文字解謎任務」、同解開室內暗號嘅「解謎任務」。

▲ 特設嘅舞台區域之中,將展示《寶可夢 劍/盾》公開對戰。8月29日至31日期間,更會舉行皮卡丘舞蹈表演同煙火大會等等!
遊戲玩法同下載方法

文字來源:香港人遊香港