筲箕灣泰菜:【勁惹味泰皇咖喱炒肉蟹!咖喱濃郁配極脆蒜蓉法包一流!】- 珍意泰國菜館

筲箕灣東大街一向都好多美食,呢間泰菜係其中之一!由藍田搬遷到筲箕灣,但係質素依然冇改變,都保持住應有嘅水準!呢度必點泰皇咖喱炒肉蟹,非常惹味,咖喱味道好濃郁,同蟹融合埋一齊,好入味! 黃咖喱上面加咗蛋,烘到勁脆嘅蒜蓉法包沾上咖喱一齊食,好夾,簡直一流!提提大家book位嘅時候最好order埋,因為好快賣哂!泰式生蝦好新鮮,爽口又彈牙,同樣係餐廳必叫!

泰皇咖喱炒肉蟹 ($308):咖喱蟹勁惹味,味道好濃郁!黃咖喱點蒜蓉包一流!

▲ 咖喱同蟹融合埋一齊,完全係泰驚喜!

蒜蓉法包 ($28): 蒜蓉法包烘到好脆,夠晒蒜蓉香,點埋咖哩食好正!

冬陰功大頭蝦湯 ($135): 好多菇!椰汁味都幾香幾出!

泰式生蝦 ($92): 生蝦幾爽口彈牙! 配上蒜頭同細細嚿辣椒沾埋個醬咁食好夾,又唔會太辣!

珍意泰國菜館

地址:筲箕灣筲箕灣東大街39號地下
電話:3178 1333

文字來源:香港人遊香港 / 圖片來源 : @foodiejapjapjap