深水埗cafe:【品嚐被甜品治癒嘅幸福感!喺繁忙生活中得到喘息空間!】- 十常八九

人生不如意事十常八九,嚟到呢間位於深水埗嘅cafe,你可以喺繁忙生活中得到喘息空間,暫時忘卻生活中十常八九不如意嘅事!cafe主打各式甜品同飲料,必叫嘅十常吐司非常特別,以厚吐司浸蛋漿,蛋漿完全滲透落吐司,食落好似玉子燒,蛋味好重,但係又會食到麵包嘅香味!另外佢哋嘅焦糖布丁都好受歡迎,同樣超重蛋香味,配上焦糖同埋少少忌廉,令人有種被甜品治癒嘅幸福感!

十常吐司 ($72):必點之選! 吐司被蛋漿浸到濕潤,蛋味夠濃郁,亦食到麵包嘅香味,食落有啲似玉子!

焦糖布丁 ($38):cafe另一個主打!口感香滑,甜道適中,充滿住蛋香,焦糖味好重!

草莓忌廉奶油蛋糕 ($62): 打卡都好夢幻!超大粒草莓放上面層幼滑忌廉,草莓酸酸甜甜,多重豐富口感!

黃豆粉豆糖豆乳 ($48):面頭嘅燒糰子超煙韌!沾上黃豆粉奶泡一流,配合得好好,好和風!

天使之鈴 ($38) :即係可麗露,就咁睇造型真係好似一個鈴鐺咁!

十常八九

地址: 深水埗黃竹街2號地舖
電話:

文字來源:香港人遊香港 / 圖片來源 :@mmichellec_、@tas.ting