西營盤泰菜:【#真香港人小店!經驗豐富泰廚主理!極具地道泰國風味!價錢貼地性價比高!】- 泰道 Bangkok Express

呢間西營盤泰菜由經驗豐富泰廚主理,主打正宗又地道嘅泰國菜,價錢貼地親民,但係份量好大份,性價比好高好抵食!比較多人叫嘅香葉肉碎煎蛋配飯,香葉加上肉碎洋蔥花生一齊烹調,配上半生熟嘅太陽蛋,仲有微微流心,真係泰地道!另外泰式燒豬頸肉配秘制醬汁亦同樣吸引,豬頸肉充滿油香,但係一啲都唔膩,肉質嫩滑,食落爽脆,配合特製醬汁別有風味!

香葉肉碎煎蛋配飯 ($78) : 啲肉碎份量好多,非常澎湃!用上多款香葉、洋葱、辣椒、 紅椒,所以 好惹味,半生熟嘅太陽蛋亦有微微流心!

▲ 泰道價錢親民,而且份量充足,性價比好高!

炸蝦餅 ($68) : 蝦餅炸得比較乾身,入口蝦肉爽彈,配合泰式甜酸醬好開胃!

泰式燒豬頸肉配秘制醬汁 ($78) : 去泰國餐廳必點嘅菜式!豬頸肉火喉啱啱好,肉質爽嫩 ,同廚師特製嘅家傳秘方製醬汁好夾!

▲ 豬頸肉加上炸蒜片令口感更香, 豬頸肉亦好大塊!

泰道 Bangkok Express

地址:西環西營盤西邊街2號悅心大廈地下D號舖
電話:5285 2277

文字來源:香港人遊香港 / 圖片來源 :@cantzipmyjeans

Close Bitnami banner
Bitnami