fbpx

旺角美食:【高水準良心日式居酒屋!必食極邪惡吉列千層芝士豚肉卷!】- 申子居酒屋

呢間高水準良心日式居酒屋位於旺角黑布街,裝修以木質主調日本風為主,提供多款日式料理,包括小菜、串燒炸物同鍋物。其中吉列千層芝士豚肉卷係必食之選! 芝士味非常香濃,啲芝士爆曬出嚟超邪惡,仲可以拉絲!入面包住多層豬腩片,炸到外脆內軟,配合埋酸酸地嘅燒汁,一啲都唔會太油膩!另外佢嘅炸物都好多人推薦,鰻魚天婦羅係其中之選,炸粉好薄,食落好酥脆, 鰻魚亦好嫩好肥厚! 又高水準又有良心,值得大家一試!

吉列千層芝士豚肉卷 ($178): 豚肉夾心卷住半溶嘅拉絲芝士,炸得啱啱好又唔會太油膩,豚肉卷外脆內軟,芝士控一定鍾意!

雞軟骨:充滿香味同好爽口!

蓬鬆玉子 ($88): 外皮蛋包圍住玉子同芝士,入面切開流出蛋汁,配上沙律醬、燒汁同蔥花,令玉子更香!

手打免治雞肉棒 ($45):雞肉棒唔會燒到過咗龍,食落好juicy,同醬汁一齊食簡直一流!

鰻魚天婦羅 ($138):同樣高水準地炸到外脆內軟,肥厚鰻魚肉去骨,份量夠多,亦保持嫩滑!

申子居酒屋

地址:旺角黑布街74-76號藝興大廈地下1號舖
電話:5998 9188

文字來源:香港人遊香港 / 圖片來源 :@butummy

Close Bitnami banner
Bitnami