動森情報:【多個日本牌子「我的設計」大集合! 和服老店、潮牌服飾還原度極高】

《集合啦!動物森友會》畀玩家嘅自由度都非常大,基本上你想點做就可以點做!玩家可以喺服務店換上自己創作,或下載其他網民、官方提供嘅創作!最近有唔少日本品牌都推出品牌嘅設計,等玩家喺「我的設計」裹下載,例如大阪王將、相機牌子Canon同潮牌X-LARGE,都有推出自家品牌相關嘅服飾同傢俬設計!係呢啲牌子嘅Fans就可以打造一個集所有品牌於一身嘅動森角色!

▲X-LARGE:大猩猩係X-LARGE嘅標記,所以動森入面嘅衫又點會冇呢!有成10款衫,一日一套都冇問題啊!

▲和服老舖Chiso:4款華麗嘅和服,款款都咁靚!

▲大阪王將:大阪王將嘅餃子咁好食,就連被套都要有餃子圖案, 瞓醒望到就想食!

▲Canon:好多人出街、去旅行都會掛住相機喺身,動森入面冇實體相機道具,
Canon呢件衫就畫埋部單反上去,好似真係隨時隨地影到相咁!

▲樂隊Mrs. GREEN APPLE :官方發表咗約30種服飾,仲有「5」嘅限量版T恤!

▲KiU: KiU出產嘅雨褸一直都行色彩繽紛嘅設計,就算遊戲入面冇落雨,著住雨褸都唔會覺得奇怪!

文字:香港人.遊香港 / 圖片:高橋俊美