佐敦素菜:【佐敦酒店內隱世素菜 多款定食配菜必試南瓜薯餅】- MUM日常野菜料理

香港純素餐廳唔多,呢間鬧市中嘅隱世素菜「MUM日常野菜料理」位於佐敦逸東酒店內,係一間食日式家常飯嘅素菜餐廳,可以當係香港人日常大魚大肉嘅一啲調劑。餐廳只係酒店Food Court入面嘅其中一間,店面唔算有咩特別裝修,簡簡單單反而更配合到素食呢個主題。客人可以自選三、四項配菜, 再選擇配黃薑飯、五穀雜炊飯或烏冬,每樣配菜份量均等,而最歡迎就係南瓜薯餅,就算係炸物都唔覺好油膩!

自選三項定食配烏冬 ($115): 食客可以自由挑選冷熱菜式,再揀飯或烏冬作主食,套餐會附上味噌湯同麥茶。

自選三項定食配五穀雜炊飯 ($100) : 呢度嘅五穀飯煮得偏腍身,一改對五穀飯嘅感覺!

▲ 南瓜薯餅: 新鮮即炸薯餅,南瓜餡料幼滑香甜,甜得嚟又唔肥膩!

▲ 信田卷 : 信甜卷以腐皮包住多款蔬菜,爽口多汁又飽肚!

田樂豆腐 : 鹹鹹甜甜嘅味噌醬配上煎到外脆內軟嘅豆腐,拎嚟送飯一流!

MUM日常野菜料理

地點: 佐敦彌敦道380號香港逸東酒店LG樓8號舖

文字來源:香港人遊香港 / 圖片來源: @littlemissfoodaholic@foodievez @ nikkihongkongnikki

Close Bitnami banner
Bitnami