文青風嘅cafe就去得多，但行型格路線嘅cafe就真係未去過！呢間開喺旺角廣華街嘅Black coffee裝修以黑色為主調， 連所有嘅杯杯碟碟都係用哂黑色，鍾意黑色嘅你一定要嚟朝聖！Black Coffee開業到而家，吸引大量食客排隊，連平日都大排長龍，想食就要早啲排隊啦！佢嘅pancake質感都夠濕潤，又幾厚身，cream都夠幼滑，層次十足！鬆餅控絕對唔可以錯過！仲有其他意粉咖啡畀大家選擇，食物環境質素都幾高分，超級推介！
▲ 香橙片日式梳乎厘鬆餅 ($88) ：香橙味係比較少見嘅配搭，鬆餅厚得嚟又有空氣感，而香橙片偏甜！
▲ 千層酥日式疏乎厘鬆餅 ($82)：蛋香十足，夠香濃，質感軟棉棉，糖漿幾甜，唔需要落太多。而千層酥就好鬆化，夾埋香滑嘅忌廉啱啱好，
▲ 炸薯條配自家製醬料 ($58)：薯條夠脆，配上牛油蒜香醬真係好香口！
▲ 黑松露油忌廉野菌汁貓耳朵意粉 ($92)：好香黑松露味，貓耳朵好煙韌，野菌juicy 份量唔少，加上卡邦尼嘅creamy，perfect match 嘅組合！
▲ 蜜桃氣泡咖啡 ($48) ：係有氣嘅咖啡，咖啡味濃烈，整體偏酸，飲落好清涼！
▲ 培茶味濃，拉花都好精緻！
Black coffee
地址：旺角廣華街3號地下3號舖
電話：2796 0082
文字來源：香港人遊香港 / 圖片來源 ：＠profatsa、＠majorinfood