主頁 香港 南區 主題公園:【海洋公園全新展館「小狐獴與大象龜之旅」打造好玩保育旅程!】

主題公園:【海洋公園全新展館「小狐獴與大象龜之旅」打造好玩保育旅程!】

海洋公園全新動物展館「小狐獴與大象龜之旅」喺7月1號已經開放畀遊客參觀喇!新展館當然唔少得有新動物加入,有源自非洲嘅動物朋友狐獴同亞達伯拉象龜正式進駐海洋公園!海洋公園依家有兩個唔同嘅狐獴家族,唔知大家又分唔分得出呢?考吓大家先~知唔知點解狐獴會有黑眼圈嘅呢?唔通佢哋唔夠瞓?其實佢哋嘅黑眼圈就好似天然嘅太陽眼鏡咁,令佢哋唔怕陽光刺眼,保護眼睛,咁樣佢地就可以時刻留意住周圍嘅情況啦!

▲狐獴最鍾意群體活動,所以會經常見到佢哋一齊出沒!

▲唔好以為佢有黑眼圈係唔夠瞓,其實係保護緊對眼!

另外仲有2隻亞達伯拉象龜,佢哋一日要瞓18個鐘,要睇佢哋精精神神就要睇運氣啦~大家又知唔知大象龜條頸咁長,可以幫助佢哋做咩呢?其實佢哋伸長條頸兼撐起全身,離地面一米嘅植物佢哋都可以食到架!為咗食,條頸可以伸到好盡!

▲一日要瞓18個鐘,都幾識嘆~

展館採用環保設計,日頭主要用自然日光,減少使用電燈之餘讓訪客有親近大自然的感覺。另外,展館內亦設有唔少打卡位同互動設施,大人細路除咗可以同小狐獴家族合照、一齊爬入大象龜殼以最佳角度拍攝全家褔,仲可以大玩「非洲短跑邀請賽」互動遊戲同睇「小紅熊非洲之旅」電子書等,啟發大小朋友更加關心大自然同時學動物知識。

▲互動電子書:展館加入五本互動電子書,係小紅熊喺非洲之旅期間撰寫,日記以生動有趣嘅方式讓小朋友認識更多狐獴和象龜的有趣知識。

▲非洲短跑邀請賽:大家可以和非洲不同的動物來個短跑比賽,透過感應式裝置,記錄大家嘅跑速,唔知您又快唔快得過身手敏捷嘅狐獴呢?

▲亞達伯拉象龜殼模型:有無諗過點解龜成日要伸長條頸,小編覺得好可能係要睇清楚岀面世界係點!大家可以走入象龜嘅龜殼裡,以象龜嘅視點看世界。

▲唔講唔知!原來狐獴家族成員都會輪流當值做哨兵,一旦發現威脅就會以不同嘅叫聲通知同伴。狐獴非常醒目,做得哨兵當然要企高啲望遠啲啦!今次展館更將狐獴成日站崗嘅白蟻丘打造成模型,讓大家了解白蟻丘結構和狐獴不同嘅叫聲。

有新動物朋友,當然唔少得有佢哋嘅精品啦!訪客仲可到訪OPX體驗店,以非洲服飾造型嘅「威威與好友」圖案製作自訂禮品,更可製作獨一無二個人化故事書,記錄非洲歷險體驗。參加者只需要依照指示拍攝五至七張相片,約30分鐘後,相片就會與「威威與好友」一同活現係故事書上,經歷有趣情節齊齊做主角!

▲「威威與好友」都換上非洲服飾造型。

▲點少得新朋友嘅精品呢!

▲仲有新出嘅主題餐飲都唔可以錯過啊!

依家仲有超抵港人尊享優惠,即日起至7月31日,購買海洋公園成人門票只需要$350,仲即送$350 園內現金券,可以喺園內指定小食亭、餐廳及精品店使用,小朋友同長者更可免費入場架!記住啊!7 月 25 日至 8 月 31 日嘅入場名額會喺7 月 10 日開始網上預約,記得唔好錯過啦!

網上預約:https://bit.ly/326ixTb

文字來源 :香港人遊香港 / 圖片來源:香港海洋公園

熱門文章

香港人好去處:【期間限定!三星期!色彩繽紛可愛裝置! 微笑雲朵+彩虹+蘑菇!由國際藝術家設計!】

以可愛和色彩繽紛的吹氣大型國際藝術裝置登陸香港太空館及西九文化區,藝術裝置由2位國際藝術家Samuel Borkson(佛羅里達州)及 Arturo Sandoval lll(古巴)設計,以可愛雲朵、彩虹、蘑菇等組成「FriendsWithYou」。

三層架下午茶:【金鐘AMMO推玩味粉紅色下午茶!送Benefit Cosmetics 眉妝小套裝!】

AMMO聯乘國際美眉專家 Benefit Cosmetics推出玩味粉紅色下午茶,下午茶設有4款鹹點和4款甜點,另配英式鬆餅。

香港好去處:【快閃兩日!25折!皇家加勒比遊輪之旅!$1616起!亞洲最新最大遊輪!多達50款玩樂設施!】

皇家加勒比遊輪 - 海洋光譜號推出限時快閃優惠,4人同行,入住海景房每位船費低至HK$836,比之前推出的37折再平,今次計返有25折優惠。船費已包括住宿,船上7大餐廳餐飲,享用玩樂設施。

香港好去處:【2日限定!3部Mr.Bean MINI真車登陸荔枝角!Mr.Bean MINI重磅回歸+戇豆先生+Mini Cooper精品!】

以Mini Cooper作主題的展覽登陸荔枝角,場內展岀3部閃耀超過半世紀的經典Mini Cooper,當中包括Mr.Bean MINI、CLASSIC MINI COUNTRYMAN 和 CLASSIC MINI PICKUP

香港好去處:【東岸公園正式開放!全港首個海堤遊樂場!佔地10萬呎+百米防波堤+360度海景】

全港首個海堤遊樂場東岸公園主題區於9月25日正式對公眾開放,公園佔地約9,800平方米,由天后屈臣道至興發街之間的一段原中環灣仔繞道工程部分海濱長達360米,坐擁360度海景景觀。

Staycation:【城景國際!CP值極高!人均$632.5!幾乎係買自助餐送尊貴客房住宿!】

城景國際 City Café 推出全新Staycation套票,優錢亦非常吸引,人均只需$632.5,即可入住尊貴客房一晚、享用「海膽‧鮑魚‧海鮮」雙人自助晚餐及雙人自助早餐。
Close Bitnami banner
Bitnami