fbpx

尖沙咀美食:【尖沙咀地道台灣菜酒家!客人可自選超值風味套餐 】- 圓山台灣料理

今次介紹呢間台灣菜好特別,主要以一間酒樓形式經營,餐廳 整齊寬敞 ,坐落又舒適又光亮,好適合一大班客人進食。除左有唔少經典既台灣菜式之外,仲有點心可以散叫。如果一大班人諗唔到食咩既話,仲可以點選餐廳既超值風味自選套餐,可讓客人自由搭配菜式,分別有四道菜$388、六道$588、八道菜$768,除番每道菜平均唔駛$100,而且食物選擇亦多。

台灣花雕蒸膏蟹(套餐升級價$268):呢道基本上係每台客人都必點的,膏蟹好香花雕酒味,而且每隻都好多膏,蒸既火侯岩岩好,蟹肉都好滑。

套餐自選風味菜 – 蚵仔煎:雖然係台式 蚵仔煎 ,但呢度食落去比較似潮州蠔餅,蚵仔份量又多又大大粒,配埋個台灣獨有既醬汁,食落去酸酸甜甜。

皮蛋肉鬆豆腐 (散叫台式地道小吃$79): 呢款做前菜岩晒,同埋鐘意食肉鬆既人一定要叫,皮蛋食落有流心感覺,豆腐好滑又有口感。

台南擔仔麵 (散叫$28):呢碗麵細細地,岩晒細食既女士們,麵條食落爽口彈牙,而肉臊半肥瘦,食落唔肥膩。

套餐自選風味菜 – 蛋黃肉:肉餅山上加左三粒鹹蛋黃,惹味層次大大提升左,比一舨肉餅較甜,好岩送飯,最緊要係肉餅無蒸到過老。

圓山台灣料理

地址: 尖沙咀金巴利道25號長利商業大廈1及2樓
營業時間:星期一至日 11:00 – 00:00
電話:27219833

文字來源:香港人遊香港 / 圖片來源: @kuku_shek2.0 、@ chankahocardi、 @sillygentleman、@ eatwithnatalie

Close Bitnami banner
Bitnami