台灣景點:【台灣也有小奈良!梅花鹿小島!一年只會開放兩季比遊客觀光!】- 馬祖大坵島

除左日本大阪奈良之外,台灣都有一個小島可以比遊客近距離見到過百隻野生梅花鹿,就係位於祖北竿島北方上既大坵島 ,從 北竿乘坐船大約需要10分鐘船程, 每日只有兩個來回班次,要留意住船期呀,分別是08:30和14:30,每次只可停留2小時,單程成人船票NT350一位。黎呢個島要記得遵守番呢度既小規則,唔好傷害梅花鹿。

除左有唔少梅花鹿係島上之外,呢度既海蝕地形、軍事設施都好值得遊客觀光嫁,因為呢度較少遊客,所以成為好多人口中既[秘境]。不過要注意一樣野,呢度只會一年開放幾個月,只在3月30日至10月31日開放,所以黎呢度之前記得做定功課,睇下自己黎既日子會唔會開放比遊客觀光啦!

▲係島上隨時隨地都可以見到梅花鹿既蹤影。

▲遊客仲可以自費買飼料餵養梅花鹿,記得唔好求其比D野食佢地,最好買番當地售賣既飼料餵。

▲島上除左有真既梅花鹿之外,仲會有唔少梅花鹿造型既擺設。

▲全島都是沒有車行駛的,遊客只可以以腳代步,可以一路遠足一路欣賞咁靚既風景。

▲連船票都印有梅花鹿的圖案,很可愛,去完記得要珍藏阿!

馬祖大坵島

地址:台灣連江縣北竿鄉大坵島
前往方法https://www.matsu-nsa.gov.tw/user/article.aspx?a=129&l=1

文字來源:香港人遊香港 / 圖片來源: @cathychang323、@sohokuo、@yutzuchennn、@lon067