國際漢堡日:【5月28日!精選五間人氣漢堡店】

五月廿八日係「國際漢堡日」,大家一齊應應節,同朋友去食漢堡包。小編就幫大家精選了五間特色漢堡,當中有人氣本地小店、過江龍、人氣打卡店等。

Kabo Burger嘉寶漢堡

平民漢堡小店由葵涌開到尖沙咀,以自家製為名,每塊漢堡扒都真空慢煮一小時,而醬汁都是自家岀品。今次國際漢堡包日就會推岀特別優惠。

▲ Impossible 芝士漢堡 平日葵涌店-$52、 尖沙咀店 -$62,5月28日會有個吸引價錢, 葵涌店- $88 / 2個,而 尖沙咀店則 $98 / 2個

包販子

呢間位於太子的漢堡小店就用上北京填鴨和咕嚕雞做出港式創意爆燈既漢堡包。北京填鴨包真係有大塊鴨肉、青瓜、京蔥絲、海鮮醬好有食緊填鴨feel。而咕嚕雞包的超厚身炸雞加菠蘿再配上甜甜酸酸醬汁好開胃。而且小店係每日新鮮自家焗製麵包,誠意爆燈。

▲ 北京填鴨包($66):酥脆麵包夾著烤到香脆鴨肉、青瓜、京蔥絲、海鮮醬,食完唔覺油膩。

Burger Circus

中環打工仔最愛! 2015年開業中環荷里活道漢堡包快餐店,以馬戲團、80年年美式火車車廂餐卡做主題,以木櫈卡位搭配充當車窗既大鏡子,天花板有模彷餐卡圓角金屬裝飾、不鏽鋼架,可以話係古色古香。而食物方面當然主打美式漢堡,味道唔似連鎖店咁公式化,漢堡都偏厚身Juicy鹹香,好美式既重口味。

▲ 好多中環打工仔必點傳統美式漢堡Combo(+$55),經典漢堡包配上波浪薯條或者洋蔥圈及飲品

大和堂

招牌大和堂牛肉漢堡 ($138)。另外,大和堂更推出新的 Impossible 大和堂素食漢堡 ($158) ,用上車打芝士、焦糖洋蔥、醃黃瓜和奶油生菜配搭Impossible 漢堡扒,購買 Impossible 大和堂素食漢堡即可免費獲贈飲品一杯

Five Guys

Five Guys是美國過江龍名店,已有32年歷史,品牌特色係漢堡包可以免費添加配料,主打新鮮即做嘅免治牛肉嘅漢堡,另有熱狗同三文治選擇,官方指佢哋有超過250,000款配搭,所以有唔少Secret Menu,好似前美國總統奧巴馬就點過the Presidential🍔,仲有Burger Bowl、In-N-Out Animal Style等等。

▲餐廳特色係有大量的免費配料之中任你選擇,包括生菜、蕃茄、烤洋蔥等等

文字:香港人遊香港