上環泰國菜:【偽遊泰國!1秒飛清邁食泰菜!神還原地道咖喱麵/炒金邊粉/班蘭椰子湯圓!】- Samsen泰館

估唔到唔駛飛都食到泰國清邁地道風情,食店內擁有濃濃泰式復古裝潢及懷舊陳設,打造氛圍愜意泰式風情!小編去過泰國清邁之後,對當地咖哩雞腿麵(Khao Soi)確係念念不忘,估唔到呢間食店將佢神重現!湯底係用泰式手法自家製新鮮咖喱醬,加入鮮椰漿烹煮,而所配既蛋麵口感都係泰國直送,掛湯一流!就算依家未有得飛住,都可以黎呢度食泰菜「偽出走」!

泰北咖喱雞或牛金麵($148元)為餐廳主打咖哩菜式系列,起源自泰國北部清邁,以咖喱醬、鮮椰漿熬煮湯底,加入泰國直送煙韌蛋麵,配以芥菜、青蔥、青檸!

泰式黃咖哩雞($138)香滑細膩可以加埋惹味乾蔥頭、濃郁青瓜醬一齊食!呢度調味架都係粉紅色塑膠,好有泰國地道風情!

泰南香辣咖哩蝦配檳榔葉($148),配上醒胃酸柑汁、椰奶、泰式香料、一抹薑黃!

泰式打拋和牛飯配油炸雞蛋($138)以打拋方式煮和牛加上燶邊太陽蛋確係一流!

泰式炒通菜,配上炸蒜、辣椒、黃豆,係香港未必食到既風味!

▲大大隻香辣虎蝦掃上椰汁咖喱!

泰式虎蝦炒金邊粉($138)

▲另+$18元可添配地道泰式特飲青檸香茶

▲仲有泰式甜品佐以鹽味暖椰漿班蘭椰子湯圓($68)

▲店內古意盎然,滿滿泰國老街風情!

Samsen泰館

地址:上環上環蘇杭街23號地下
電話:22340080
營業時間:星期一休息、星期二至日 12:00 – 14:30、18:30 – 23:00

文字來源:香港人遊香港 / 圖片來源:Samsen泰館