fbpx

深水埗Cafe:【深水埗文青日系風咖啡店!主打日本咖啡豆沖咖啡】- PRESS THE BUTTON

深水埗基隆街最近開左大大小小既咖啡店,附近仲有唔少賣皮革同布藝材料既鋪頭,絕對係現時文青既最佳蒲點。 今次介紹呢間咖啡店空間唔係好大,得門口有排 凳可以坐 ,主要係「立飲」,飲品都用外帶杯,不過咖啡店都提倡環保觀念,但凡客人自均 自備環保杯均可減5蚊。 店內除左可以飲咖啡外,仲有一啲日本咖啡豆、濾掛式咖啡包、熱水壺、環保咖啡杯同埋日本果醬可比客人購買 。呢度既咖啡價格大多數係$35-$45之間,位置優勢令到每杯咖啡價格比起中環既咖啡店絕對平好多。

▲ Iced Honey Americano ($45): 咖啡店用左荔枝、龍眼蜜製來代替糖漿,飲之前倒落咖啡入面,配合埋咖啡堅果香味,係夏天飲岩晒呀!

▲ KYOTO HOJICHA($35): 其實係一款飲落清爽甘香既冷泡焙茶,茶葉係來自京都丹波農產品牌「霧の朝」泡成的,夏天飲住呢杯凍飲可以降到溫嫁!-

▲ 仲有包裝咖啡豆可以即場買回家添。

▲ 咖啡店仲有寄賣Circus Coffee 既日本咖啡豆添,店內仲有介紹 Circus Coffee 既每一個故事。

▲ 咖啡店既LOGO係由一位日本插畫師Chalkboy設計既,只用簡單線條就可以呈現到豐富既視覺效果,自然成為每位客人扲完杯咖啡打卡既一個好LOGO。

PRESS THE BUTTON coffee stand

地址: 深水埗基隆街132A號地舖
營業時間: 星期一至日12:00-19:00

文字來源:香港人遊香港 / 圖片來源: @pressthebuttoncoffee、@ essen_panda、@ _gabewong

Close Bitnami banner
Bitnami