銅鑼灣打工仔們有口福! 呢間日本人氣過江龍主打燒鰻丼飯,由2018登港後,陸陸續續於香港其他地區開設分店!全部鰻魚日本直送,烹煮方法都係源自日本以用高級備長炭在店舖內將鰻魚現火烤煮,將鰻魚原汁原味帶回香港。店更以平民價格而極被推薦,一個燒鰻魚丼原價HK$68,而銅鑼灣希慎分店最近做緊優惠,於OpenRice叫外賣自取指定食品即享八折,而星期三用堆Mastercard付款,消費滿HK$90即減HK$30。孖住同事一人一個鰻魚丼,計返最平$39.4就食到,真係超抵一定要試! 外賣自取網址:https://www.openrice.com/info/or-20/OR20-LG/TAS-offers.html ▲指定食品可享8折,包括:鰻魚丼 原價$68 > 優惠價$54.4 鰻平燒 原價$58 > 優惠價$46.4 ▲星期三用堆Mastercard付款,消費滿HK$90即減HK$30。孖住同事一人一個鰻魚丼,計返最平$39.4就食到。 ▲食鰻魚飯之前,緊係要睇下師傅點製作啦!以最高級的備長炭在店舖內將鰻魚現烤,火力均勻的備長炭能有助鰻魚釋放鮮味,提升鰻魚的油香。鰻魚即叫即烤,有濃厚烤肉味。 ▲雙層鰻魚丼($108):一個丼有兩大件鰻魚,鰻魚、飯及醬汁黃金比例非常合宜,鰻魚燒好再淋上醬油燒烤,確保鰻魚由內而外皆可沾上至完美混合。 ▲鰻魚飯 三食 ($88):嫌鰻魚飯太寡?可以試下食呢個三食,原味、配料及茶漬,鰻魚都可以有好多變化! 文字:香港人遊香港...
呢間以冰室+大排檔鋪如其名,係由一對80後兩兄弟創辦。呢度有齊茶仔食到既本土味餐品,仲會有加入創新元素,款式多多由早餐旺場到夜晚!呢度最受歡迎既滑蛋蒲燒鰻魚大碗飯,鰻魚份量超大,超濃醬汁自帶甜香,混和米飯溫潤香氣!而神級蔥油系列就有幾個配搭,包括加入滑蛋飯、撈公仔麵等! ▲滑蛋原條蒲燒鰻魚大碗飯($80),蒲燒鰻魚原條上,上面醬汁色澤濃郁,魚肉口感鹹香,醬汁已經滲入鰻魚肉內,加上滑蛋係完美既展示。 ▲香蔥滑蛋吉列豬扒飯($49),吉列豬扒炸成金黃色,蔥油味道誘人 ▲神級蔥油雞扒撈公仔麵 ▲神級葱油撈公仔麵,神級蔥油將平平無奇既公仔麵味道更立體! ▲沙嗲牛肉通粉 文字來源:香港人遊香港 / 圖片來源:@bonniew.foodie、@scorpio_hungry、@sadchingwa...
天氣涼涼地,真係想食d熱辣辣既米飯,可以試下日式釜飯,其實係以鰹魚湯底高壓蒸煮米飯,選用日本越光米,而鰹魚高湯呢個主要材料都係自家熬製,選擇由牛肉到鰻魚,有平有貴豐儉由人,米飯煮出黎粒粒分明焦香,口感煙韌。而最多人選擇叫呢度既鰻魚飯,而呢度有蒲燒同白燒,鰻魚都幾厚肉,蒲燒鰻魚表面燒成金黄色,表面酥脆甘香,食起來軟糯綿密,柔軟魚皮吸收蒲燒汁,食到魚肉滿滿膠原蛋白!店內貼著海報、插畫都係撐香港人,係間良心小店黎! ▲金魂鰻魚釜飯($138) 鰻魚釜飯有分金魂(蒲燒)同銀魂(白燒),採用鰻魚都幾厚肉,原來採用自家鰻魚場養鰻魚! ▲黑豚釜飯($98)黑豚肉帶香滑爽口肥膏,油香十足,係唔可以抗拒邪惡誘惑。 ▲汁燒牛肉釜($68)牛肉分量都幾多,加上濃稠香濃既醬汁,但肉質就有點硬加上流心溏心蛋 ▲鹽燒牛舌($38)牛舌肉質鮮嫩、鹽燒帶出肉汁鮮甜! ▲博多餃子($22/3隻)日式煎餃薄皮,餡料有豬肉餡、捲心菜 ▲店外貼上文宣同聖誕卡,支持社會運動! 釜之魂釜飯專門店 地址:九龍灣牛頭角道77號淘大商場三期地下G286-288號舖電話:23666028營業時間:星期一至日12:00 – 16:30/18:00 – 22:30 文字來源:香港人遊香港/圖片來源:@spongebob99v、@ho.lin.cung、@s.p.lee_roy...
喺香港,一般想食一餐好食嘅日本菜都唔平,呢間位於觀塘嘅樓上日本餐廳就提供價錢平民嘅壽司、刺身同丼飯,而且味道都十分唔錯。當中最多人叫嘅當然係魚生飯,由最平$60去到最貴$188都有,最抵食嘅就係刺身魚生飯,$98可以食齊海膽、三文魚、油甘魚、甜蝦、帶子、蟹籽、玉子、蟹柳、章魚同埋魷魚,魚生控可以食返夠本。唔夠飽嘅仲可以叫啲壽司同手卷,其中鰻魚壽司就相當唔錯。 ▲呢間餐廳主要做晚市,父子檔經營,由落單、煮嘢到埋單執枱幾乎都係由老闆自己打理,充滿人情味,簡直就好似香港版嘅深夜食堂咁,而且門口塊牌仲寫住「香港加油」添! ▲刺身魚生飯($98),有齊哂咁多樣魚生刺身,飯量又足,非常抵食。 ▲帆立貝甜蝦飯($98),足足有6隻帆立貝同埋3隻甜蝦,鍾意呢兩款刺身嘅魚生控可以叫呢個飯。 ▲吞拿魚蓉飯($80),吞拿魚蓉有好香嘅魚油味,而且份量十足,作為晚飯非常足夠。 ▲鰻魚壽司($18),鰻魚燒至金黃色,飯入面仲包咗蟹柳同玉子,睇見都流口水。 ▲玉子($16),金黃色嘅玉子,玉子控見到係咪好想食呢? 職人食事 地址:觀塘開源道60號駱駝漆大廈3座6樓S1室電話:9355 2377營業時間:18:00 – 03:00 文字來源:香港人遊香港/ 圖片來源:@rogerli_lfhk、invisible_foodblog、carftsman、mandieatagram、craftsman_dinner...
拉麵店拉麵出名就好自然,不過呢間位於佐敦既拉麵小店出左名既竟然係鰻魚蒲燒飯 ,鰻魚唔係整定而係即叫即燒,用上來自台灣嘅鰻魚,係店鋪即劏,再用自家製鰻魚汁塗上再生燒。比鰻魚店過江龍來得更有誠意,飯底係用北海道米煮成,咬落煙韌,撈埋鰻魚同照燒汁好正! ▲鰻魚蒲燒飯( $198)如果你坐bar枱的話,就會見到廚房張枱上面有一條條劏左嘅鰻魚,可見呢度唔用雪藏貨,而係即劏即燒鰻魚,非常新鮮。 ▲鰻魚蒲燒飯( $198)鰻魚肥美厚實,鰻魚邊位帶焦香,咬落魚油溢出。 ▲雪山拉麵($138)係冬日每日限定10碗,外型賣相特別,用蛋白霜做到一座雪山咁,加上招牌白雞湯底清而香。 ▲雞白湯拉麵 ($98) 以雞白湯為主打,調味同配料唔少,湯底雞味濃,但係唔算油膩!拉麵做到彈牙,份量適中。 金鶴拉麵 地址: 油麻地閩街3號營業時間: 11:30–14:30, 18:00–23:00 文字來源: 香港人.遊香港/圖片來源:@hk_taste、@hinzb、@christinefung_tine、@ay87food...
鍾意食鰻魚嘅朋友留意喇,為慶祝日本鰻魚日,黃埔水產巿場嚟緊有個為期三日嘅鰻魚祭,由師傅即場製作15款鰻魚丼飯或小食,❤鰻魚肉質細緻、油脂豐富、魚皮帶點焦香,再配上鰻魚汁,見到都流曬口水🤤!其中必食一定係8吋長嘅原條鰻魚壽司喇!除美食市場外,現場還設有日本傳統攤位遊戲,大家可以感受埋日本祭典氣氛! ▲黃埔個水產巿場嚟緊有個三日嘅鰻魚祭 ▲8吋長嘅原條鰻魚壽司 ▲迷你三色鰻魚飯定食 ▲鰻魚肉質細緻、油脂豐富、魚皮帶點焦香 九號水產 地址:紅磡德豐街8號黃埔花園第九期日期:2018年7月20日至7月22日 文字來源:香港人.遊香港/圖片來源︰九號水產 Nine Seafood Place...