主打快餐嘅紅磡小店,$30已經可以食到大碗飯,仲有好多款式添,好似無骨雞飯同火燒豬頸肉飯,加多$5仲可以食到牛坑腩飯添,全店一粒味精都唔用,每朝由店主備料煮汁,新鮮好味! ▲無骨雞飯 ($30) : 無骨雞飯用大大隻冰鮮雞髀,食落啖啖肉,雞髀用香茅、斑蘭、南薑及檸檬葉嘅雞水浸熟,入口嫩滑雞味濃,配埋自製雞汁,好岩送飯! ▲泰式火燒豬頸肉飯 ($30) : 豬頸肉醃得入味,燒得岩岩好,肉質軟腍唔會韌。 ▲美國牛肩黑椒飯 ($48) : 牛扒採用酒店級美國Choice級牛肩扒,淨用鹽同胡椒煎香已經好好味,外皮煎得香脆,肉汁夠多,配埋自家製牛燒汁,好惹味! ▲蟹膏濃湯番茄肉碎檬粉 ($42) : 湯頭用大量材料熬成,材料豐富,連蟹肉丸都係自家製,仲有蟹同蜆嘅海鮮食,真係抵到爛! 快食館 (已結業) 地址:紅磡黃埔街24號地下時間:星期一至日...